އުތުރު ރަށެއްގައި 13 އަހަރުގެ ކުއްޖަކަށް ޖިންސީ ސީ ގޯނާ ކުރި މައްސަލައާ ގުޅިގެން ހައްޔަރުކުރި މީހާގެ ބަންދަށް އެއް މަސްދުވަސް ޖަހައިފިއެވެ.
ފުލުހުން ވިދާޅުވި ގޮތުގައި، އުތުރުގެ (ނ. އަތޮޅާއި ރ. އަތޮޅާއި ބ. އަތޮޅާއި ޅ. އަތޮޅު) ރަށެއްގައި 13 އަހަރުގެ އަންހެން ކުއްޖަކަށް ޖިންސީ ގޯނާކުރި ކަމުގެ ތުހުމަތުގައި 27 އަހަރުގެ ދިވެހި ފިރިހެނަކާއި އޭނާ ފިލަން އެހީތެރިވި 29އަހަރުގެ ދިވެހި ފިރިހެނެއް ހައްޔަރުކޮށްފައިވާކަމަށެވެ.
އަދި މި ދެމީހުންގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން އެ ކުއްޖާއަށް ޖިންސީ ގޯނާކުރި 27 އަހަރުގެ މީހާގެ ބަންދަށް 30ދުވަސް ޖަހައިފައިވަކަމަށެވެ.
އަދި އޭނާ ފިލަން އެހީތެރިވި 29 އަހަރުގެ މީހާގެ ބަންދަށް 12 ދުވަސް ޖަހައިފައިވާކަމަށްވެސް ފުލުހުން ބުނެފައިވެއެވެ.
ކުޑަކުދިންނަށް ޖިންސީ ގޯނާކުރާ މީހުންގެ ދަފުތަރު ޑިޖިޓައިޒްކޮށް މިދިޔަ ނޮވެމްބަރު މަހުގެ ތެރޭގައި ވަނީ ޝާއިއު ކޮށްފައެވެ.
ރާއްޖޭގައި ކުޑަކުދިންނަށް ޖިންސީ ގޯނާ ކުރުން އަދި ގެވެށި އަނިޔާގެ މައްސަލަ އިތުރުވަމުން އަންނައިރު މިފަދަ އަމަލުތައް ކުރާ ފަރާތްތައް ބަންދުކޮށް އެކަށީގެންވާ ފިޔަވަޅު ނޭޅޭ ކަމަށް ބުނެ ގިނަ ބަޔަކު ދަނީ ކަންބޮޑުވުން ފާޅުކުރަމުންނެވެ.
