ބޮޑު އަގުލަބިއްޔަތަކާއެކު ރައްޔިތުންގެ މަޖިލިހުގެ ރައީސްކަމަށް ފޮނަދޫ ދާއިރާގެ މެމްބަރު އަންދުއްރަހީމް އަބްދުﷲ ހޮވި ވަޑައިގެންފިއެވެ.
20 ވަނަ ރައްޔިތުންގެ މަޖިލިހަށް ހޮވި ވަޑައިގެން 93 މެމްބަރުން ހުވާކުރުމަށް މިއަދު ހެނދުނު ބޭއްވި ރައްސްމިޔާތަށްފަހު 10:15 ގައި ބޭއްވި އައު މަޖިލިހުގެ ފުރަތަމަ ޖަލްސާގައި ވަނީ ރައްޔިތުންހެ މަޖިލިހުގެ 20 ވަނަ ދައުރުގެ ރައީސް އަދި ނައިބްރައީސް އައްޔަން ކުރުމުގެ ވޯޓު ކުރިއަށް ގެންގޮއްސައެވެ.
މަޖިލީހުގެ ޖަލްސާގައި އެ މަގާމަށް މެޖޯރިޓީ ޕާޓީ ޕީއެންސީން ވަނީ އަބްދުއްރަހީމްގެ ނަން ހުށަހަޅައިފައެވެ. ރައީސަކަށް އަބްދުއްރަހީމްގެ ނަން ހުށަހެޅީ ދިއްގަރު ދާއިރާގެ މެންބަރު އަހުމަދު ނާޒިމެވެ.
ނައިބު ރައީސް ކަމަށް އެ ޕާޓީން ހުށަހެޅީ ދިއްގަރު ދާއިރާގެ މެންބަރު ނާޒިމްގެ ނަމެވެ. އެ ނަން ހުށަހެޅުއްވީ އަބްދުއްރަހީމެވެ.
އިދިކޮޅު އެމްޑީޕީން މަޖިލީހުގެ ރައީސްކަމަށް ހުށަހެޅީ އެ ޕާޓީގެ ޕީޖީ ލީޑަރު އިބްރާހިމް ނާޒިލްގެ ނަމެވެ. ނައިބު ރައީސްކަމަށް ހުށަހެޅީ މަރަދޫ ދާއިރާގެ މެންބަރު އަހުމަދު ދީދީގެ ނަމެވެ.
މަޖިލީހުގެ ރައީސް ހޮވަން މިއަދު ނެގި ސިއްރު ވޯޓުގައި 71 މެންބަރުންގެ އަޣުލަބިއްޔަތުން އެ މަގާމަށް އިންތިޚާބުކުރީ ޕީއެންސީން އެ މަގާމަށް ގެންނަން ނިންމި އަބްދުއްރަހީމެވެ. އެމްޑީޕީން ހުށަހެޅި ނާޒިލަށް ލިބިވަޑައިގަތީ 14 ވޯޓެވެ. ހަތް ވޯޓު ވަނީ ބާތިލުވެފައެވެ. އަދި، ރިޔާސަތުގައި އިންނެވި މީދޫ ދާއިރާގެ މެންބަރު އަހުމަދު ސިޔާމް މުހައްމަދު ވެސް ވޯޓު ލައްވާފައެއް ނުވެއެވެ.
