އަނިޔާ ލިބެމުންދަ ފަލަސްތީނުގެ މުސްލިމް އަޚުންނާއި އުޚުތުންގެ ހިމާޔަތުގައި އެ ޤައުމުގެ ރައްޔިތުންނަށްޓަކައި ރާއްޖޭގެ މިސްކިތްތަކުގައި ޖަމާއާތުގައި ގުނޫތު ކިޔަން ފެށުމަށް ނިންމައިފިއެވެ.
މިކަން ހާމަކޮށް އިސްލާމިކް މިނިސްޓްރީން ބުނީ، ފަލަސްތީނުގެ ރައްޔިތުންގެ ހިތްދަތި ހާލަތާ ގުޅިގެން، މިއަދުން ފެށިގެން މަޣުރިބު ނަމާދާއި ފަތިސް ނަމާދުގައި ގުނޫތު ކިޔުމަށް ނިންމައި އެކަން ރާއްޖޭގެ މިސްކިތްތަކުގެ އިމާމުންނަށް އަންގާނެ ކަމަށެވެ.
މުސްލިމުންނަކީ އެއް ހަށިގަނޑެއް. އިސްލާމީ އުންމަތަށް ދިމާވެފައިވާ ހިތްދަތި މިވަގުތަކީ އިހުލާސްތެރިކަމާ އެކު ދުއާ ކުރަންވީ ވަގުތު
ފަލަސްތީނުގެ ރައްޔިތުންނާ ދެކޮޅަށް އިޒްރޭލުން ދެމުންދާ ހަމަލާތައް ވަރުގަދަކޮށް، އިޒްރޭލުގެ ޖަރީމާތައް ހައްދުފަހަނައަޅާ ހިސާބަށް ދާ ކޮންމެ ފަހަރަކު ވެސް ފަލަސްތީނުގެ ރައްޔިތުންނަށް ރައްކާތެރިކަމާއި ސަލާމަތްކަން ދެއްވުމަށް އެދި ރާއްޖޭގެ މިސްކިތްތަކުގައި ފަހަކަށް އައިސް ގުނޫތު ކިޔައެވެ.
