ފާއިތުވި ހަމަސް ދުވަހުގެ ތެރޭގައި ފަންސާސް އެއް ކިލޯގެ މަސްތުވާތަކެތި އަތުލައިގަނެފައިވާ ކަމަށް މޯލްޑިވްސް ކަސްޓަމަސް އޮތޯރިޓީއިން ބުނެފައިވެއެވެ.
ކަސްޓަމްސްއިން މިއަދު ނެރެފައިވާ ތަފާސްހިސާބުތަކުން ދައްކާ ގޮތުގައި ފާއިތުވި ހަމަސް ދުވަހު ތެރޭގައި އެތެރެ ކޮށްފައިވާ ޑްރަގްސްގެ އަގު 100 މިލިއަން ދިވެހި ރުފިޔާއަށް އަރައެވެ. އަދި ރާއްޖެއަށް އެންމެ ގިނައިން އެތެރެކޮށްފައިވަނީ ކޮކެއިން 18.855 ގްރާމް އެވެ. އޭގެ އިތުރުން ކަސްޓަމްސްއިން އަތުލައިގެންފައިވާ އިތުރު ބާވަތުގެ ޑްރަގްސްގެ ތެރޭގައި ސިންތެޓިކް ކެތިނޯންސްގެ 13،536 ގުރާމް، ހެރޯއިންގެ 7،400 ގުރާމް، މެތަމްފެޓަމިންގެ 4،174 ގުރާމް، މެފެޑްރޯންގެ 3،870 ގުރާމް، އެމްޑީއެމްއޭގެ 1،152 ގުރާމް، ހޭޝް އޮއިލްގެ 910 ގުރާމް، އެމްފެޓަމިންގެ 451 ގުރާމް، ކެނަބިސްގެ 101.80 ގުރާމް އަދި ސިންތެޓިކް ކެނަބިނޮއިޑްސްގެ 25 ގުރާމް ހިމެނެއެވެ.
މިފާއިތުވި ދުވަސްތަކުގައި މޯލްޑިވްސް ޕޯސްޓް މެދުވެރިކޮށް ރާއްޖެއަށް މަސްތުވާތަކެތި އެތެރެކުރުން ގިނަވުމުން ކަސްޓަމްސް އިން ދަނީ ފުލުހުންނާއި ގުޅިގެން އެކަން ހުއްޓުވުމަށް ތަފާތު އެކި މަސައްކަތް ކުރަމުންނެވެ. ލޯކަލް ގަވާމަންޓު މިނިސްޓްރީން ބުނެފައިވާ ގޮތުގައި މޯލްޑިވްސް ޕޯސްޓް މެދުވެރިކޮށް ޑްރަގްސް އެތެރެވިއަ ނުދޭން އެމިނިސްޓްރީން މަސައްކަތް ކުރާނެއެވެ. ފާއިތުވި ދުވަސްތަކުގައި ރާއްޖެއަށް މަސްތުވާތަކެތި އެތެރެކުރުން ގިނަވުމުގެ ސަބަބުން މަސްތުވާތަކެތި އެތެރެކުރުން ހުއްޓުވުމަށް ކަމާބެހޭ އިދާރާތަކުން އަންނަނީ ތަފާތު އެކި މަސައްކަތް ކުރަމުންނެވެ.
