9 އަހަރުގެ އަންހެން ކުއްޖަކު ގެއްލިގެން ފުލުހުން ހޯދަން ފަށައިފިއެވެ.
ގދ. ފިޔޯރީ، ފިނިވާލާގޭ، މަރިޔަމް މީނަލް މޮހައްމަދު މިއަދު ހަވީރު 17:35 އިން ފެށިގެން ވީނުވީއެއް ނޭންގި ގެއްލިގެން ހޯދަން ފަށައިފިއެވެ.
މިކުއްޖާގެ އެއްވެސް ހަބަރެއް ވޭތޯ ވީހާވެސް ގިނަ ރައްޔިތުން އެހީތެރިވެދިނުމަކީ އާއިލާ އާއި ފިޔޯރީ ކައުންސިލް އިދާރާގެ ވަރަށް ބޮޑު އެދުމެއް ކަމަށް މިއަދު ސޯޝަލް މީޑިއާގައި ކުރި ޕޯސްޓެއްގައި ބުނެފައިވެއެވެ.
އެގޮތުން މި ކުއްޖާ އާއި ބެހޭ އެއްވެސް މައުލޫމާތެއް ލިބިއްޖެނަމަ ކުއްޖާގެ ބައްޕަ މުޙައްމަދު ރަޝީދު ގެ މޯބައިލް ނަންބަރު 7574670 އަށް ގުޅުއްވުމަށް މި ޕޯސްޓްގައި ވަނީ އެދިފައެވެ.
މިމައްސަލަ އާއި ބެހޭ ގޮތުން ފުލުހުންގެ ޚިދުމަތުން ބުނެފައިވާ ގޮތުގައި ގދ.ފިޔޯރީ އިން 8 އހަރުގެ އަންހެން ކުއްޖަކު ގެއްލިގެން އުޅޭ ކަމަށް 19:08 ކަން ހާއިރު ފުލުހުންނަށް ރިޕޯޓް ކޮށްފައިވާ ކަމަށާއި އެކުއްޖާ އެންމެ ފަހުން ފެނިފައިވަނީ 17:00 ހާއިރު އެކުއްޖާ ދިރިއުޅޭ ގެއިން ކަމަށް އާއިލާއިން މައުލޫމާތު ދީފައިވާ ކަމަށެވެ.
ކުއްޖާ ހޯދުމުގެ މަސައްކަތް ފުލުހުންނާއި ރަށުގެ ރައްޔިތުން ގުޅިގެން މިހާރު ކުރަމުންދާ ކަމަށްވެސް ފުލުހުން ބުނެފައިވެއެވެ.
