ފަރުކޮޅުފުށީގައި މިރޭ 22:30 ހާއިރު ހަވާ އަރުވަން ނިންމާފައިވާ ކަމަށް މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން ބުނެފިއެވެ.
ހަވާ އެރުވުމަށް ހަމަޖެހިފައިވަނީ 22:30 ހާއިރު ކަމަށާއި މިއީ ވިޔަފާރި އުސޫލުން އަމިއްލަ ފަރާތަކަށް ކޮށްދޭ ކަމެއް ކަމަށް އެމްއެންޑީޢެފުން ބުނެފައިވެއެވެ.
މީގެ އިތުރުން ހަވާ އެރުވުން 3 މިނެޓް ވަންދެން ކުރިއަށް ދާނީ ކަމަށް ވެސް އެމްއެންޑީއެފް އިން މައުލޫމާތު ދީފައިވެއެވެ.
ސިފައިންގެ ކޯޕަރޭޓިވް “ސިފްކޯ އިން ވިޔަފާރި އުސޫލުން އަމިއްލަ ފަރާތަކަށް ހަވާ އެރުވުމުގެ އިވެންޓްތައް ކުރިއަށް ގެންދާއިރު އެކިއެކި މުނާސަބަތުތަކާ ގުޅިގެން މީގެ ކުރިންވެސް ވަނީ މިފަދައިން ހަވާ އަރުވާފައެވެ.
