ގިނަ އަދަދެއްގެ ބަނގުރަލާއެކު ހުޅުމާލެއިން ދެ މީހަކު ހައްޔަރުކޮށްފިއެވެ.
ފުލުހުން ވިދާޅުވި ގޮތުގައި 150 ފުޅި ބަނގުރަލާއެކު 2 މީހަކު ރޭ ހުޅުމާލެއިން ހައްޔަރުކޮށްފައި ވާއިރު، އަތުލައިގެން ބަނގުރާފުޅިތަކުގެ ފޮޓޯވެސް ވަނީ އެކްސްގައި ހިއްސާ ކުރައްވައިފައެވެ.
ބަނގުރާ ކަމަށް ޝައްކުކުރެވޭ 150 ފުޅިއާއި ގިނަ އަދަދެއްގެ ފައިސާ އެ ދެމީހުންގެ އަތުން އަތުލައިގަނެފައި ވާއިރު، މި ދެމީހުންގެ ވަނަވަރު މިހާތަނަށް ފުލުހުން ހާމަކުރައްވައިފައެއް ނުވެއެވެ.
އަދި އެ ދެމީހުންގެ އަތުން ހޯދި ފައިސާތަކުގެ އަދަދުވެސް ހާމަކޮށްފައެއް ނުވެއެވެ.
މަސްތުވާ ތަކެއްޗާއި ދެކޮޅަށް ހޯމް މިނިސްޓްރީން ހިންގަމުން އަންނަ ބިޔަ ކެމްޕެއިންގެ ދަށުން ގިނަ އަދަދެއްގެ މަސްތުވާ ތަކެތި އަތުލައިގަންނަމުން އަންނަކަން ފާހަގަކޮށްލެވެއެވެ.
