މާލޭގައި މީހަކަށް ވަޅިން ހަމަލާދިން މައްސަލައެއްގައި މީހަކު ހައްޔަރުކޮށްފިއެވެ.
މި މައްސަލައިގައި ހައްޔަރުކޮށްފައިވަނީ، އުމުރުން 22 އަހަރުގެ ޒުވާނެކެވެ.
މި މީހާއަކީ މީގެ ކުރިންވެސް އެކި މައްސަލަތަކުގައި ހައްޔަރުކޮށްފައިވާ މީހެކެވެ.
އެގޮތުން އޭނާ އެންމެ ފަހުން ހައްޔަރު ކޮށްފައި ވަނީ ބިރު ދެއްކުމާއި، އިންޒާރު ދިނުމާއި، މާރާމާރީ އާއި މުދަލަށް ގެއްލުން ދިނުމުގެ މައްސަލައެއްގައެވެ.
މީގެ އިތުރުން ތުހުމަތު ކުރެވިފައިވާ ކުށް އޭނާގެ މައްޗަށް ސާބިތުވާ ވަރަށް ހެކި ހުށަހަޅާއިފައިވާ ކަމަށްވެސް އޭނާ ބަންދުކުރުމަށް ކުރި ހުކުމުގައި ބުނެފައިވެއެވެ.
މި މައްސަލައިގައި މިވަގުތު ހުށަހަޅާފައިވާ ޝަކުވާ ހުށަހެޅި ފަރާތުގެ ބަޔަށް ބަލާއިރު، އޭނާ ވަޅިން ބިރުދެއްކި ކަަމަށް ބުނެފައި ވެއެވެ. އަދި މެޑިކަލް ރިޕޯޓުންނާއި ފޮޓޯ ރިޕޯޓުން އޭނާއަށް އަނިޔާ ލިބުނުކަން ފާހަގަކޮށްފައި ވެއެވެ.
ނަމަވެސް ހައްޔަރުކުރި މީހާ ޝަރީޢަތުގައި ވަނީ ވަޅި ގެންގުޅުނު ކަމަށް އިންކާރު ކޮށްފައެވެ.
މި މައްސަލައިގައި އޭނާގެ ބަންދަށް ކޯޓުން ވަނީ 15 ދުވަސް ޖަހާފައެވެ.
