ކާނިވަލު ސަރަހައްދަށް އުދަ އަރައި ފެންބޮޑު ވެއްޖެއެވެ.
މާލޭގެ ކާނިވާ ސަރަހައްދަށް މިއަދު މެންދުރުފަހު އުދަ އަރައި ބޮޑު ތަކުރުފާނު މަގުގެ ބޮޑު ސަރަހައްދަކަށް ފެންގަނޑު ފެތުރި، ކިންގް ސަލްމާން މިސްކިތް ކައިރީގައި އޮންނަ ޕާކިން ޒޯން ސަހަރަހައްދުގައި ފެން ބޮޑު ވެއްޖެއެވެ.
މާލެ ސަރަހައްދު ހިމެނޭ ގޮތަށް މޫސުމާއި ބެހޭ ގައުމީ އިދާރާއިން އިއްޔެގެ ވަގުތެއްގައި ވަނީ ހުދު ސަމާލެއް ވެސް ނެރެފައެވެ. އެއިދާރާއިން ލަފާކޮށް އިއްޔެ ހެނދުނު 9:00 އިން މެންދުރު ފަހު 15:00 އަށް ނެރުނު ހުދު ސަމާލުގައި ބުނެފައިވަނީ ބޯކޮށް ވާރޭވެހުމާއެކު ގުގުރުން އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށް ލަފާ ކުރެވޭ ކަމަށެވެ.
