މޯލްޑިވްސް ޑިމޮކްރެޓިކް ޕާޓީގެ ދާއިރާތަކުންނާއި ރަށްތަކުން ހުސްވެފައިވާ ނައިބު ރައީސްކަމުގެ މަގާމަށް ކުރިމަތިލުމުގެ ފުރުސަތު ހުޅުވާލައިފިއެވެ.
13 ދާއިރާއެއްގެ ނައިބު ރައީސްގެ މަގާމުގެ އިތުރުން 103 ދާއިރާއެއްގެ ރަށު ނައިބު ރައީސްކަމުގެ މަގާމު ހުސްވެފައިވާއިރު، މިމަގާމުތަކަށް މީހުން އިންތިހާބު ކުރުމަށްޓަކައި އަންނަ އޮގަސްޓް މަހުގެ 2 ވާ ހުކުރު ދުވަހު އިންތިހާބު ބޭއްވުމަށް ހަމަޖެހިފައިވާކަމަށް އެޕާޓީ އިން މަޢުލޫމާތު ދީފައިވެއެވެ.
ކުރިމަތިލުމުގެ ޝަރުތުތައް:
- 1 ޖުލައި 2024 އާއި ހަމައަށް އެމްޑީޕީގެ މެންބަރެއްގެ ގޮތުގައި އިލެކްޝަން ކޮމިޝަނުގައި ދަފްތަރުވެފައިވުން
- ވޭތުވެދިޔަ 5 އަހަރު ތެރޭގައި ޕާޓީގެ އަސާސީ ގަވާއިދާއި ހިލާފުވެފައި ނުވާ މެންބަރެއްކަމުގައިވުން
އެޕްޑީޕީ އިން ވަނީ މި މަގާމްތަކަށް ކުރިމަތި ލާން ބޭނުންވާ ފަރާތްތަކުން އިންތިހާބަށް ކުރިމަތިލުމަށް އެދޭ ފޯމް ފުރިހަމަކުރުމަށްފަހު އަންނަ ހޮނިހިރު ދުވަހުގެ މެންދުރުފަހު 2:00 ގެ ކުރިން ފޯމު ހުށަހެޅުމަށް އެދިފައެވެ.
