މި މަހުގެ އަށްވަނަ ދުވަހު ހުޅުމާލޭ ފުރަތަމަ ފިޔަވަހީގައި މާރާމާރީއެއް ހިންގުމަށްފަހު ފިލައިގެން އުޅުނު މީހަކު ހައްޔަރުކޮށްފިއެވެ.
ފުލުހުން ވިދާޅުވީ މިމަހުގެ 8 ވަނަ ދުވަހު ހުޅުމާލޭ ފުރަތަމަ ފިޔަވަހީގައި މާރާމާރީއެއް ހިންގުމުގައި ބައިވެރިވުމަށްފަހު، ފިލައިގެން އުޅުނު އުމުރުން 22 އަހަރުގެ ދިވެހި ފިރިހެނެއް ކޯޓު އަމުރުގެ ދަށުން ހައްޔަރު ކޮށްފައިވާކަމަށެވެ.
މި މާރާމާރީގެ ތަފްސީލެއް ފުލުހުން މިހާތަނަށް ހާމަކޮށްފައެއް ނުވި ނަމަވެސް މައްސަލަ ގެންދަނީ ތަހުގީގު ކުރަމުންނެވެ.
މިހާރަކަށް އައިސް މާލެ ސަރަހައްދުގައި ހިންގާ މާރާމާރީތައް އިތުރުވެފައިވާއިރު މި މަހުގެ އަށްވަނަ ދުވަހު ސުޕްރިޑެންޓް އޮފް ޕޮލިސް އާރިފް ވަނީ، މާލެ ސަރަހައްދުގައި އެކްޓިވް އަށް ގޭންގެއް މިހާރު ވެސް ހަރަކާތްތެރިވަމުންދާ ކަމަށާއި އެ ގޭންގުތަކުގައި ގިނައީ 12 އަހަރާއި 13 އަހަރުގެ ކުޑަކުދިން ކަމަށް ވިދާޅުވެފައެވެ.
މި މައްސަލައިގައި މީހަކު ހައްޔަރުކޮށްފައި މިވަނީ އެ މާރާމާރީއާ ގުޅިގެން އެއްވެސް މީހަކު މިހާތަނަށް ހައްޔަރުކުރެވިފައި ނުވާ ކަމަށް ބުނެ އާއިލާއިން ކަންބޮޑުވުން ފާޅުކޮށްފައި ވަނިކޮށެވެ.
