އަހަރުގެ ފުރަތަމަ ކުއާޓަރ ނިމުމާއި ހަމައަށް އެކި އެކި ސަބަބުތަކާހުރެ އައު 43 ޖަނެރޭޓަރެއް ގަނެ އެކި ރަށްރަށުގައި ޤާއިމްކުރެވިގައިވާކަމަށް ފެނަކަ ކޯޕަރޭޝަނުން ބުނެފިއެވެ.
ފެނަކައިން އިން އެކސްގައި ކުރި ވީޑިއޯ ޕޯސްޓެއްގައި އެ ކުންފުނީގެ ޑިރެކްޓަރު، އަހުމަދު އިބްރާހިމް ވިދާޅުވީ، މި އަހަރު ފެށުނު އިރު ކުންފުނީގެ ވަރަށް ގިނަ ރަށް ރަށުގައި ހުރި ޖަނަރޭޓަރުތަކުގެ ހާލަތު ހުރީ ރަނގަޅުކުރަން ޖެހި އަދި ބައެއް ރަށްރަށުގެ ކަރަންޓް ކެޕޭސިޓީ އިތުރުކުރަން ޖެހިފައި ކަމަށެވެ.
އެގޮތުން އައު މެނޭޖްމެންޓުން ހިންގުމާއި ހަވާކުވި ގޮތަށް ފެނަކައިގެ ފަރާތުން ކަރަންޓްގެ ޚިދުމަތް ދެމުން އަންނަ ރަށްރަށުގެ ކަރަންޓްގެ ޚިދުމަތް ރަނގަޅު ކުރުމުގެ މަސައްކަތް ވާނީ ފަށައިފައިކަމަށް އަހްމަދު އިބްރާހީމް ވިދާޅުވިއެވެ.
އެގޮތުން ޖަނެރޭޓަރު ބޭނުންވާ ތަންތަނަށް ޖަނެރޭޓަރު ހޯދުމުގެ މަސައްކަތް ވަރަށް އަވަހަށް ފަށައި، 2024 ވަނަ އަހަރުގެ ފުރަތަމަ ކުއާޓާ ނިމުނު އިރުގައި 20 ރަށަކަށް އައު ޖަނެރޭޓަރު ފޮނުވާފައިވާނެކަމަށް އެ ބޭފުޅާ ވަނީ ވިދާޅުވެފައެވެ.
އޭގެ އިތުރުން، ވަރަށް ގިނަ ރަށް ރަށުގެ އޯވަހޯލް ކުރުމާ އެހެން އިންޖިނިއަރިންގ މަސައްކަތްތަކެއް ވެސް ކުރެވުނުކަން ފަހަގަ ކުރައްވައި އަހްމަދު އިބްރާހީމް ވިދާޅުވީ، މި އަހަރުގެ ފުރަތަމަ ކުއާޓާ ނިމި މިއަދާ ހަމައަށް ދިޔައިރު ކުންފުނިން އިތުރަށް 43 ޖަނެރޭޓަރު އަލަށް ގަނެ އެކި ރަށް ރަށުގައި އިންސްޓޯލް ކުރެވިފައިވާ ކަމަށެވެ.
އިބްރާހިމް ވިދާޅުވީ، މި އަހަރު އަލަށް ގަތުމަށް ކަނޑައަޅާފައި ހުރި ޖަނެރޭޓަރުތައް ގެނައުމުގެ މަސައްކަތްތައް ވެސް މިހާރު ކުރަމުންދާކަމަށާއި، ދާއިމީ ގޮތެއްގައި އެކަންތައްތައް ރަނގަޅުކޮށް ދެމެހެއްޓެނިވި ގޮތެއްގައި ހިދުމަތް ދެވޭތޯ ކުންފުނިން ދަނީ ވަރަށް ގިނަ މަސައްކަތްތަކެއް ކުރަމުން ކަމަށެވެ.
