ރާއްޖޭގައި ފުރަތަމަ ފަހަރަށް ބޭރުގެ ޔުނިވާސިޓީއެއްގެ ކެމްޕަސް ގާއިމްކުރުމަށް ހަޔަ އެޑިއުކޭޝަން މިނިސްޓްރީއާއިއެކު މަޝްވަރާކޮށްފި އެވެ.
ހަޔާ އެޑިއުކޭޝަން މިނިސްޓްރީން ހާމަކޮށްފައިވާ ގޮތުގައި ސައުދީގެ އަލް އިމާމް މުހައްމަދު އިބްނު ސައުދު އިސްލާމިކް ޔުނިވާސިޓީން ރާއްޖޭގައި އަރަބި ބަސް ކިޔަވައިދިނުމަށް ވަނީ ޝައުގުވެރިކަން ފާޅުކޮށްފައިވާ ކޮށްފައެވެ.
ހުސްވި ހަފްތާގެ ބުރާސްފަތި ދުވަހު އެޔުނިވާސިޓީގެ އިސްވެރިން ހަޔަ އެޑިއުކޭޝަންގެ ސްޓޭޓް މިނިސްޓަރުން މިނިސްޓްރ ޑރ. އަބްދުﷲ ނަޒީރާއި އަހުމަދު ޝަފީއުއާއެކު ބައްދަލުކުރައްވާ ކެމްޕަހެއް ގާއިމްކުރުމަށް ފަހު ރާއްޖޭގައި އަރަބި ތައުލީމް ފުޅާކުރައްވަން ބޭނުންވާކަމަށް ވިދާޅުވި ކަމަށް ސްޓޭޓް މިނިސްޓަރު ޑރ. އަބްދުﷲ ނަޒީރު ވިދާޅުވިއެވެ.
“ސަރުކާރުގެ ބޭނުމަކީ އަރަބި އިސްލާމީ ތައުލީމް ފުޅާކުރުމުގެ ޕްރޮގްރާމްގެ ތެރެއިން އަރަބި ބަސް ކިޔަވައިދޭން ޓީޗަރުން އުފެދިގެން ދިއުން އަދި އަރަބި ބަސް ކިޔަވައިދޭން ބޭނުންފުޅުވާ ބޮޑެތި މީހުންނަށް ހާއްސަ ކްލާސްތަކެއް ހިންގުން. އަރަބި ބަސް މި ރާއްޖޭގެ ސްކޫލުތަކަށް ފޯރުކޮށްދިނުމަށްޓަކައި ބޭނުންވާ މީހުން މީގެ ތެރެއިން ތަމްރީންވާނެ.” ނަޒީރު ވިދާޅުވި އެވެ.
ނަޒީރު އިތުރަށް ވިދާޅުވީ ރާއްޖޭގައި ގާއިމްކުރުމަށް މަޝްވަރާކުރެވެމުންދާ ކެމްޕަހަކީ ބޭރުގެ ކެމްޕަހަކަށް ވާތީ އެހެން ގައުމުތަކުގެ ދަރިވަރުން ވެސް ކިޔަވަން އައުމުގެ ފުރުސަތު އޮންނާނެ ކަމަށެވެ.
“މިއީ ވަރަށް ބޮޑު އިންވެސްޓްމަންޓަކަށް ހުޅުވިގެންދާނީ. ބައިނަލްއަގުވާމީ ޔުނިވާސިޓީގެ ކެމްޕަހެއް ރާއްޖޭގައި ގާއިމްކުރެވިގެން ދިއުން،” ނަޒީރު ވިދާޅުވި އެވެ.
މީގެ އިތުރުން ރާއްޖޭގައި މަތީ ތައުލީމް ހާސިލްކުރާ ދަރިވަރުންގެ ފަސް ޕަސެންޓަކީ ބޭރުގެ ދަރިވަރުންނަށް ހެދުމަށް މަސައްކަތް ކުރަމުންދާ ކަމަށް ނަޒީރު ވިދާޅުވި އެވެ. އަދި ބޭރުގެ ދަރިވަރުން އަންނަން ފަށައިފި ނަމަ އިގުތިސޯދަށް އެކަމުގެ ފައިދާ ކުރާނެ ކަމަށް ވެސް ނަޒީރު ވެސް ވިދާޅުވި އެވެ.
ހަޔާ އެޑިއުކޭޝަން އާއި އެކު ސައުދީގެ އަލް އިމާމް މުހައްމަދު އިބްނު ސައުދު އިސްލާމިކް ޔުނިވާސިޓީގެ އިސްވެރިންގެ ބައްދަލުވުމުގައި އެޔުނިވާސިޓީގެ ރަޖިސްޓްރީގެ މަސައްކަތާއި އެމްކިއުއޭއިން އެކްރެޑިޓްކުރުމާ ގުޅޭ ގޮތުން މަޝްވަރާކުރައްވާފައެވެ.
