އިސްލާމިކް މިނިސްޓްރީން މިދިޔަ އަށް މަސްދުވަހުގެ ތެރޭގައި ކޮށްފައިވާ މަސައްކަތްތައް އެއް ތަނަކުން ފެންނަ “މީޑިއާ މައުރަޒު” ފަށައިފި އެވެ.
މިއަދު އިސްލާމިކް މިނިސްޓްރީން ފަށާފައިވާ މިމައުރަޒު އިފްތިތާހު ކޮށްދެއްވާފައިވަނީ ނައިބު ރައީސް ހުސައިން މުހައްމަދު ލަތީފެވެ.
މިމައުރަޒަކީ ރައީސް ޑރ. މުހައްމަދު މުއިއްޒުގެ ރިޔާސީ މެނިފެސްޓޯގައިވާ ކަންތައްތަކުގެ ތެރެއިން އިސްލާމީ ދާއިރާއިން މިދިޔަ 8 މަސް ދުވަހުގެ ތެރޭގައި ހާސިލުވި ކަންކަން މީޑިއާއާ ހިއްސާކުރުމަށް ބާއްވާ މައުރަޒެކެވެ.
އެގޮތުން މިމައުރަޒުގައި އިސްލާމިކް މިނިސްޓްރީގެ އެކި ސެކްޝަންތަކާއި އިދާރާތަކުގެ ސްޓޯލްތައް ހުންނާނެ ކަމަށާއި އެތަންތަނުން އެ ދާއިރާއަކުން ކުރިއަށް ގެންދާ މައުލޫމާތުތައް ހިއްސާކުރާނެ ކަމަށް އިސްލާމިކް މިނިސްޓްރީން ބުނެފައިވެއެވެ.
އެގޮތުން މިމައުރަޒުގައި ސްޓޯލް ހުޅުވާފައިވާ ދާއިރާތަކުގެ ތެރޭގައި ދިވެހިރާއްޖޭގެ ޒަކާތު ހައުސް، އިސްލާމީ ފަތުވާދޭ އެންމެ މަތީ މަޖިލިސް، މޮސްކް މެނޭޖްމަންޓް ސެކްޝަން، ޕަބްލިކޭޝަން ޔުނިޓު އަދި ހަލާލް ސެޓްފިކޭޝަން ޔުނިޓް، ހައްޖާއި އުމްރާއާ ބެހޭ ޔުނިޓް، އިސްލާމިކް ދައުވާ، ކީރިތި ގުރުއާނާ ބެހޭ މަރުކަޒު، މިނިސްޓަރު ބިއުރޯ އަދި އައުގާފް އެންޑް އިންފްރާސްޓްރަކްޗާ ހިމެނެއެވެ.
މިމައުރަޒުގައި މިނިސްޓްރީން ހުސްވި 8 މަސް ދުވަހުގެ ތެރޭގައި އެމިނިސްޓްރީން ހާސިލުކޮށްފައިވާ ކަންކަން މީޑިއާ އާއި ހިއްސާކުރެވިގެނެ ކަމަށާއި މިރޭގެ އިތުރުން މާދަމާ ހެނދުނު 9:00 އިން ހަވީރު 6:00 އާ ހަމައަށް އޮންނާނެ ކަމަށް އިސްލާމިކް މިނިސްޓްރީން ބުނެފައިވެއެވެ.
