9 އަހަރު ދުވަހު ޚިދުމަތް ކުރެއްވުމަށްފަހު އޭޑީކޭ ހޮސްޕިޓަލްގެ ސީނިއާ ނިއުރޯސާޖަނެއްގެ ގޮތުގައި މަސައްކަތްކުރެއްވި، ޑރ އަލީ ނިޔާފް މިއަދު އޭޑީކޭއިން ވަކިވެވަޑައިގެންފިއެވެ.
އޭޑީކޭގައި މަސައްކަތް ކުރެއްވި އެންމެ ތަޖުރިބާކާރު ނިއުރޯ ސަރޖަން ޑރ ޢަލކީ ނިޔާފް މިއަދު އެ ވަޒީފާއިން ވަކިވެވަޑައިގަތީ، ނުވަ އަހަރާއި 10 މަސް ވަންދެން އޭޑީކޭގައި މަސައްކަތް ކުރެއްވުމަށްފަހުއެވެ.
ރާއްޖޭގެ ފުރަތަމަ ނިއުރޯސާޖަން ޑރ އަލީ ނިޔާފް ވަނީ، އެމެރިކާ، ރަޝިއާ، އިންޑިއާ، ބްރެޒިލް، ނޭޕާލް އަދި އެހެން ގިނަ ގައުމުތަކަކުން ވެސް ތައުލީމާއި ތަމުރީނު ހާސިލުކުރައްވައިފައެވެ.
2000ށް ވުރެ ގިނަ ނިއުރީ ސަރޖަރީތައް ކާމިޔާބުކުރެއްވެވި ނިޔާފް އޭޑީކޭއިން ވަކިވެވަޑައިގެން ސީދާ ސަބަބެއް ނޭނގެއެވެ.
އޭޑީކޭއިން ޑރ ނިޔާފް ވަކިވެ ވަޑައިގެންކަން ހާމަކޮށް އޭޑީކޭއިންވެސް ކުރި ޕޯސްޓެއްގައިވަނީ ޑރ ނިޔާފްގެ ޚިދުމަތްތަކަށް ޝުކުރު އަދާކޮށްފައެވެ.
އޭޑީކޭގެ ކުޑަކުދިންގެ ހާއްސަ ޑޮކްޓަރު އަދި ޑރ. ނިޔާފުގެ ބޭބެ، ޑރ. އަބްދުﷲ ނިޔާފު ވިދާޅުވީ، ނިއުރޯސާޖަން ނިިޔާފާއެކު އައިޖީއެމްއެޗްގެ ނިއުރޯސާޖަރީ ޑިޕާޓްމަންޓަށް ކުރިއެރުން އަންނާނެ ކަމަށް އުއްމީދު ކުރައްވާ ކަމަށެވެ.
ޑރ ނިޔާފް މިއަދުން ފެށިގެން މޯލްޑިވްސް ނިއުރޯ އެންޑޮކްރައިން މެޑިކަލް ފެސިލިޓީގައި ބައްލަވަން ފައްޓަވާނެ ކަމަށް އެ ފެސިލިޓީން ބުނެފައިވެއެވެ. އަދި އެޕޮއިންޓްމަޓް ހަދަން ބޭނުންވާ މީހުން 7744515 ނަންބަރަށް ގުޅަން އެ ފެސިލިޓީން ވަނީ އެދިފައެވެ.
