ހެންވޭރު ސޯސަންމަގުގައި ހުރި ގެޔެއްގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފުން ވިދާޅުވީ ސޯސަން މަގުގައި ހުރި ހ. ސޯސަން ފްލާވާގޭގައި އަލިފާނުގެ ހާދިސާއެއް ހިނގި ކަމުގެ މަޢުލޫމާތު އެ އިދާރާއަށް މިއަދުގެ 12:45 ހާއިރު ލިބިގެން އެ ސަރަހައްދަށް އެމްއެންޑީއެފުން ދިޔަ ކަމުގައެވެ،
އެ ގޭގައި ރޯވި އަލިފާންގަނޑު މާ ގިނަ އިރުތަކެއް ނުވަނީސް ނިއްވާލައިފައި ވާއިރު، ސިފައިންގެ އިތުރުން ފުލުހުންވެސް ވަނީ އެ ސަރަހައްދުގައި ހަރަކާތްތެރިވެފައެވެ.
އަދި މި ހާދިސާގައި އެއްވެސް މީހަކަށް އަނިޔާވެފައި ނުވާ ކަމަށްވެސް އެމްއެންޑީއެފުން ވިދާޅުވެއެވެ.
