މޯލްޑިވްސް ޕޯޓްސް ލިމިޓެޑު ގެ ބޮންޑުގައި އިންވެސްޓުކުރި މީހުންނަށް 3.5 މިލިއަން ރުފިޔާ ފުރަތަމަ ކޫޕަން ޕޭމަންޓުގެ ގޮތުގައި ޖަމާކޮށްދީފި އެވެ.
ހުސްވި އަހަރުގެ އޭޕްރީލް މަހުގެ 11 ގައި އެމްޕީއެލްއިން ކެޕިޓަލް މާކެޓުގައި ބައިވެރިވުމަށް ފުރުސަތު ހުޅުވާލާފައިވާއިރު މިއީ އެކުންފުނިން ކެޕިޓަލް މާކެޓުގައި އިޝޫކުރި ފުރަތަމަ ބޮންޑެވެ.
މިބޮންޑުގައި ގިނަ އަދަދެއްގެ މީހުން ބައިވެރިވެ، އިންވެސްޓުކުރި ކޮށްފައިވާ ކަމަށް އެމްޕީއެލްއިން ވަނީ ބުނެފައެވެ.
އެމްޕީއެލްއިން ވަނީ އެކުންފުނީގެ ފުރަތަމަ ބޮންޑުގައި އިންވެސްޓް ކުރި ފަރާތްތަކަށް މިމަހުގެ 4 ވަނަ ދުވަހު ކޫޕަން ޕޭމަންޓު ޖަމާކޮށް ދީފައެވެ.
ފަސްޓް ނެޝަނަލް ފައިނޭންސް ކޯޕަރޭޝަން (އެފްއެންއެފްސީ) އެ ކުންފުނީގެ ބޮންޑު ކެޕިޓަލް މާކެޓަށް ނެރެދިނުމުގައި މަސައްކަތް ކޮށްދީފައިވާ ކަމަށް އެކުންފުނިން ވަނީ ބުނެފައެވެ.
“މިފަދަ ބޮންޑުތަކުގައި އިންވެސްޓު ކުރުމަށް ލިބޭ ފުރުސަތުތަކަކީ ފައިސާ ފަހަށް ރައްކާކުރަން ބޭނުންވާ ފަރާތްތަކަށް ވަރަށް ރަނގަޅު ފުރުސަތުތަކެކެވެ،” މިކަމާ ގުޅޭގޮތުން އެމްޕީއެލްއިން ނެރުނު ނޫސްބަޔާނުގައި ބުނެފައިވެ އެވެ.
