އަންހެން ކުއްޖެއްގެ ނޭވާ ހޮޅިން ބުރުގާ ޕިނެއް ނަގައިފި އެވެ.
އިއްޔެ އެކްސްގައި ކުރެއްވި ޕޯސްޓެއްގައި ނޭވާލާ ނިޒާމްގެ ބަލިތަކުގެ ޑޮކްޓަރު، ޑރ. މުހައްމަދު އިސްމާއިލް ވިދާޅުވީ އަންހެން ކުއްޖެއްގެ ނޭވާ ހޮޅިން ޕިނެއް އެންމެ ބޮޑު ސައިޒުގެ ޕިނެއް ނަގާފައިވާ ކަމަށެވެ.
އެކްސްގައި ކުރެއްވި ޕޯސްޓްގައި އެކްސްރޭ ހިއްސާ ކުރައްވަމުން ޑރ. މުޙައްމަދު އިސްމާޢީލް ވިދާޅުވީ ބޮޑުވަމުން އަންނަ ކުދިންނަށް، އެކަންކަމުން ރައްކާތެރިވުމަށް ބެލެނިވެރިން އިރުޝާދު ދިނުމަށެވެ.
ޑޮކްޓަރު ވަނީ ބުރުގާ އަޅާއިރު އަނގައަށް ޕިން ނުލުމަށް ނަސޭހަތްތެރިވެފައެވެ.
ހަށިގަނޑު ތެރެއަށް މިގޮތަށް ދާ ޕިން ނެގުމަކީ ނުރައްކާތެރި އަދި ޑޮކްޓަރުން ބުރަ މަސައްކަތެއް ކުރަން ޖެހޭ ޕްރޮސީޖާ އެކެވެ.
ނޭވާލާ ހޮޅިއަށް ޕިނެއް ދާ ހާލަތެއްގައި އެޕިން ނެގުމަށް މީހާ ހޭނައްތާލަން ޖެހޭއިރު، މިޕްރޮސީޖާއަށް ބައެއް ފަހަރު ދެ ތިން ގަޑިއިރު ވެސް ނަގަ އެވެ.
