މިއަހަރުގެ ސެޕްޓެންބަރު/އޮކްޓޫބަރު މަހު ކުރިއަށް ގެންދާ މަތީ ސާނަވީ އިމްތިހާނުގެ ލޭޓް އެންޓްރީ އެޕްލިކޭޝަން ހުށަހެޅުމުގެ ފުރުސަތު ހުޅުވާލައިފިއެވެ.
މި ފުރުސަތު ހުޅުވާލައި ޑިޕާޓްމަންޓް އޮފް ޕަބްލިކް އެގްޒަމިނޭޝަނުން މިއަދު ކުރި އިއުލާނެއްގައި ބުނެފައިވަނީ މި އަހަރުގެ ސެޕްޓެންބަރު/އޮކްޓޫބަރުގައި ކުރިއަށް ގެންދިއުމަށް ހަމަޖެހިފައިވާ، އެޑެކްސެލް އޭލެވެލް އަދި އެޗް.އެސް.ސީ އިމްތިހާނުގެ ލޭޓް އެންޓްރީއަށް އެދި ފޯމު ހުށަހެޅުމުގެ ފުރުސަތު މިއަދުން ފެށިގެން އޯގަސްޓް 4 ވާ އާދީއްތަ ދުވަހުގެ 12:00 ގެ ނިޔަލަށް ހުޅުވާލެވިފައިވާކަމަށެވެ.
މި އެޕްލިކޭޝަންތައް އޮންލައިންކޮށް އެ ޑިޕާޓްމަންޓަށް މެއިލްކުރުމުގެ ފުރުސަތު ހުޅުވާލައިފައި ވާއިރު، ލޭޓް އެންޓްރީއަށް އެދި ހުށަހަޅާ ފޯމު،ޑިޕާޓްމަންޓް އޮފް ޕަބްލިކް އެގްޒޭމިނޭޝަންސް ގެ ކައުންޓަރުން (ހ.އަސްރަފީވިލާ، ދެވަނަ ފަންގިފިލާ، މަޖީދީމަގު) އިން ލިބެން ހުންނާނެކަމަށް އެއ އިއުލާނުގައި ބުނެފައިވެއެވެ.
އަދި ލޭޓް އެންޓްރީ ފައިސާ ބަލައިގަތުމަށް ހަމަޖެހިފައިވަނީ ބަނޑޭރި ޕޯޓަލް މެދުވެރިކޮށް ކަމުގައިވެސް އެ އިއުލާނުގައި ވެއެވެ.
