މާލޭ ބުރުޒު މަގުގައި ހުރި މީހުން ދިރިނޫޅޭ ގެޔެއްގައި އަލިފާނުގެ ހާދިސާއެއް ހިނގައިފިއެވެ.
އޯކިޑް މަގުގައި ހުރި ޕްލާޒަ ކިޔާ ގެޔެއްގައި ހިނގި މި އަލިފާނުގެ ހާދިސާގައި އެ ގޭގައި ވަރަށް ބޮޑަށް އަލިފާން ރޯވެ އެ ސަރަހައްދަށް ދުންގަނޑު ވަނީ ފެތުރިފައެވެ.
މައުލޫމާތު ލިބޭ ގޮތުގައި އެންމެ ފުރަތަމަ ރޯވެފައިވަނީ އެ އިމާރާތުގެ އެންމެ ތިރީ ފަންގިފިލާގައެވެ. އޭގެ މަތީ ފަންގިފިލާތަކަށް އަލިފާންގަނޑު ފެތުރިފައިވަނީ އޭގެ ފަހުން ކަމުގައި މަންޒަރުދުށް ފަރާތްތަކުން ބުނެއެވެ.
މި ހާދިސާއާއި ގުޅިގެން އެ އިމާރާއީ ޖެހިގެން ހުރި އިމާރާތްތަކުން މީހުންވެސް ވަނީ ހުސްކޮށްފައެވެ.
ފުލުހުން ވިދާޅުވީ، ރޭ ދަންވަރު 03:32ގައި އެ އިމާރާތުގައި ރޯވެފައިވާކަމުގެ މައުލޫމާތު ފުލުހަށް ލިބިފައިވާކަމަށާއި މި ހާދިސާގައި އެއްވެސް މީހަކަށް އަނިޔާއެއް ނުވާ ކަމަށެވެ.
މި މައްސަލަ އިތުރަށް ތަހުގީގު ކުރަމުން އަންނަ ކަމަށްވެސް ފުލުހުން ވަނީ ވިދާޅުވެފައެވެ.
