މާލެ ވިޔަފާރި ބަނދަރުގައި ނުގެންގޮސް ބަހައްޓާފައި ހުރި ގިނަ އަދަދެއްގެ މުދާ ނީލަމުގެ ވިއްކާލަން އެމްޕީއެލްއިން ނިންމާއިފި އެވެ.
ރާއްޖެއަށް މުދާ އެތެރެކޮށް މާލޭ ވިޔަފާރި ބަނދަރުގައި ނުގެންގޮސް ގިނަދުވަހު ބެހެއްޓިފައިވާ، މުދާތައް އޮގަސްޓް 14 އަދި 15 ވަނަ ދުވަހު ނީލަން ކިޔުމަށް ހަމަޖެހިފައިވާކަމަށް އެމްޕީއެލް އިން ބުނެފައިވެއެވެ.
އެމްޕީއެލް އިން ހާމަކޮށްފައިވާ ގޮތުގައި މުދާ ނީލަން ކިއުމުގައި އަމަލުކުރާނީ މުދާ ނީލަން ކިޔާ ގަވާއިދުގެ ދަށުންނެވެ. އަދި މޫދާ ނީލަން ކިއުން ކުރިއަށް ގެންދަނީ އެކުންފުނީގައި ކަމަށް ވެސް އެމްޕީއެލް އިން ވަނީ ބުނެފައެވެ.
މީގެއިތުރުން، ސްކްރެޕް ގެ ގޮތުގައި ނީލަމުން ނަގާ މުދާ ކްލިއާ ކުރެވޭނީ ރީ-އެކްސްޕޯޓް ކުރެވޭ ގޮތަށް ކަމަށާއި އަދި މުދާ ކްލިއާ ކުރުމަށް 10 ދުވަހުގެ ފްރީ ސްޓޯރޭޖް މުއްދަތެއް ދެވޭނެ ކަމަށް އެމްޕީއެލް އިން ބުނެފައިވެއެވެ.
ނީލަން ކިޔުމަށް ނިންމާފައިވާ ތަކެތީގެ ތެރޭގައި ގެދޮރު އިމާރާތްކުރުމަށް ބޭނުންވާ ސާމާނާއި، ލަކުނޑި އާއި، ހީޓަރު،ޭތެރޭގައި ބޭނުންކުރާ އިލެކްޓްރޯނިކް ސާމާނުގެ އިތުރުން އަންނައުނުގެ ބާވަތްތައްވެސް ހިމެނެއެވެ.
