ރަސްމީ ދަތުރުފުޅެއްގައި އިންޑިއާގެ އެކްސްޓާނަލް އެފެއާޒް މިނިސްޓަރު، ޑރ. އެސް ޖައިޝަންކަރު ރާއްޖެ ވަޑައިގަންނަވާ ގޮތަށް ހަމަޖެހިއްޖެއެވެ.
ރައީސް ޑރ މުޙައްމަދު މުޢިއްޒު ރައީސްކަމާއި ޙަވާލުވެވަޑައިގެންފަހުން އިންޑިޔާގެ މަތީފަންތީގެ ބޭފުޅަކު ރާއްޖެ ކުރައްވާ ފުރަތަމަ ދަތުރުފުޅުގައި ޖައިޝަންކަރު ރާއްޖެ ވަޑައިގަތުމަށް ހަމަޖެހިފައިވަނީ، އަންނަ އޮގަސްޓް މަހުގެ ނުވަ ވަނަ ދުވަހުކަމަށް އިންޑިޔާގެ ނޫސްތަކުގައިވެސް ރިޕޯޓުކޮށްފައިވެއެވެ.
ތިން ދުވަހުގެ މުއްދަތަކަށް ކުރައްވާ މި ދަތުރުފުޅުގައި ރައީސް މުއިއްޒުގެ އިތުރުން ޚާރިޖީ ވަޒީރު މޫސާ ޒަމީރާއި ބައްދަލުލުރެއްވުމަށްވެސް ވަނީ ހަމަޖެހިފައެވެ.
މި ސަރުކާރުން ވެރިކަމާއި ހަވާލުވިތަ ކުރީކޮޅު ރާއްޖެއާއި އިންޑީޔާގެ ގުޅުން ހީނަރުވެ ދޭ ޤައުމުގެ ދެމެދުގައިވާ ޚާރިޖީގުޅުން ވަރަށް ބޮޑަށް ބޮއްސުންލައިގެން ދިޔަ ނަމަވެސް ފަހަކަށް އައިސް ދިވެހި-އިންޑިއާގެ ގުޅުން ވަނީ ރަނގަޅުވާން ފަށާފައެވެ.
ފާއިތުވި ތިން މަހު ރާއްޖޭގެ ފޮރިން މިނިސްޓަރުގެ އިތުރުން ފަތުރުވެރިކަމާއި ބެހޭ މިނިސްޓަރ، އިބްރާހިމް ފައިސަލް ވަނީ އިންޑިއާއަށް ރަސްމީ ދަތުރު ކުރައްވާފައެވެ.
