ހުޅުމާލޭ ދެވަނަ ފިޔަވަހީގައި އެކްސިޑެންޓެއް ހިނގައި އެކަކަށް އަނިޔާވެ ފަރުވާދޭން ފަށައިފިއެވެ.
ދެވަނަ ފިޔަވަހީގައި ހުންނަ ވިނަރެސް ފްލެޓު ކައިރިން އައި ކާރެން ކޮންޓްރޯލް ނުވެ އައިސް ސައިކަލެއްގައި ޖެހި ހިނގި މި އެކްސިޑެންޓްގައި ސައިކަލުގައި އިން މީހާއަށް އަނިޔާވެ ހުޅުމާލޭ ހޮސްޕިޓަލުގައި ފަރުވާދެމުން އަންނަ ކަމުގައި ފުލުހުން ވިދާޅުވެއެވެ.
އެގޮތުން ފުލުހުން ވިދާޅުވީ މި އެކްސިޓެންޓްގެ މައުލޫމާތު މިއަދު މެންދުރެއް ހާއިރު ފުލުހަށް ލިބިފައިވާކަމަށާއި އެކްސިޑެންޓާ ގުޅިގެން ބަލަންޖެހޭ ކަންކަން ފުލުހުން ބަލަމުން އަންނަ ކަމަށެވެ.
މީސް މީޑިޔާގައި ދައުރުވަމުން އަންނަ ވީޑިއޯ ފުޓެޖްތަކުން ފެންނަ ގޮތުގައި ވިނަރެސް ފްކެޓްތަކުގެ ބިތްދޮށުން ގޯޅިން އައި ކާރެން ކޮންޓްރޯލް ނުވެ އައިސް ވިނަރެސް ފްލެޓްތަކުގެ ކުރިމައްޗަށް ވާހެން މަޑުކޮށްގެން އިން ސައިކަލެއްގައި ޖެހި ސައިކަލާއެކު އޭގައި އިން މީހާވޗެސް ވިއްސައިގެން ދެއެވެ. އަދި ކުރިމަތީގައި ހުރި ގަހެއްވެސް ކާރުގައި ޖެހި ވިއްސައިގެން ދެއެވެ.
އެ ވީޑިއޯއިން ފެންނަ ގޮތުގައި، އެކްސިޑެންޓުވެފައި ވަނީ ރަތްކުލައިގެ ކާރެކެވެ. މި ކާރުގެ ފަތާއި ކުރިމައްޗަށް ބޮޑެތި ގެއްލުންތަކެއް ލިބިފައި ވާއިރު، ކާރު ވަނީ ބޭނުން ނުކުރެވޭ ވަރަށް ހަލާކު ވެފައެވެ.
