ހުޅުމާލޭ ދެވަނަ ފިޔަވަހީގެ ވިނަރެސް ފުލެޓު ކައިރިން އެކްސިޑެންޓުވި ކާރުން ފިލި 3 މީހުން ހައްޔަރުކޮށް، އެ މީހުންގެ ވަނަވަރު ފުލުހުން އާންމުކޮށްފިއެވެ.
ހައްޔަރުކުރި މީހުން:
- އިކުރާމުއްރަހްމާންމާލެ – ހ. ނޫރާންމާގެއާގެ
- އިބްރާހިމް އިކްރާމް – މ.ލޭންޑްއޮފްގާޑަން
- ޖިނާހު އިސްމާއީލް – ގއ. ކަނޑުހުޅުދޫ، އާޒާދުގެ
ފުލުހުން ހާމަކުރި ގޮތުގައި އެކްސިޑެންޓްވި ކާރު ދުއްވީ 25 އަހަރުގެ މީހެކެވެ. ނަމަވެސް އެ މީހާގެ ނަމެއް ފުލުހުން ހާމައެއް ނުކުރެއެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނެފައިވާ ގޮތުގައި އެކްސިޑެންޓުވި ކާރުގައި ތިބި 3 މީހުން ކޯޓު އަމުރެއްގެ ދަށުން ރޭ ވަނީ ހައްޔަރުކޮށްފައެވެ. ފުލުހުންގެ ތަރުޖަމާނު އެސިސްޓެންޓް ކޮމިޝަނަރު އަޙްމަދު ޝިފާން އެކްސްގައި ކުރެއްވި ޕޯސްޓެއްގައި ވިދާޅުވީ އެކްސިޑެންޓާ ގުޅިގެން 3 މީހަކު ހައްޔަރުކޮށް ތަޙުޤީޤު ކުރިއަށްދާކަމަށެވެ.
މި ހާދިސާގައި އަނިޔާވި މީހާއަށް އައިޖީއެމްއެޗްގައި ދަނީ ފަރުވާ ދެމުންނެވެ. އޭނާގެ ހާލު ރަނގަޅު ވަމުން އަންނަކަމަށް އައިޖީއެމްއެޗުން ރޭ ވަނީ ބުނެފައެވެ.
