ހައްދުފަހަނަ އެޅި އިސްރާއީލުގެ ޙަމަލާތަކުން ޝަހީދުވަމުންދާ ފަލަސްޠީނު ރައްޔިތުންނާއި ހާލުގައި ޖެހެމުންދާ މުސްލިމުންގެ ޙައްޤުގައި އަޑު އުފުލައި ޝުޢޫރު ފާޅުކުރުމުގެ ގޮތުން، މާލޭގައި މިއަދު ހަވީރު އެއްވުމެއް ބޭއްވުމަށް ނިންމައިފިއެވެ.
އިސްރާ އެސޯސިއޭޝަންގެ ފަރާތުން އިންތިޒާމުކޮށްގެން ބާއްވާ މި އެއްވުން ފެށުމަށް ހަމަޖެހިފައިވަނީ މިއަދު ހަވީރު 4:00ގައި އާޓިފިޝަލް ބީޗުންނެވެ.
އިސްރާއީލުން ފަލްސްޠީނުގައި ހިންގަމުންދާ ޤަތުލު އާންމުތަކަށް އަހަރެއް ވުމާއި ގާތަށް އައިސްފައިވާއިރު، މި އުދުވާނުގައި 40،000ށް ވުރެ ގިނަ މީހުން ވަނީ ޝަހީދުކޮށްލައިފައެވެ.
ހަނގުރާމައިގެ ސަބަބުން ޣައްޒާގެ %85 މީހުން ގެދޮރު ދޫކޮށް ގޮސްފައިވާއިރު، އެތައް ބަޔަކު ތިބީ ބަނޑުހައި ހޫނު ކަމުގެތެރޭގައެވެ.
ފަލަސްތީނުގެ ދިފާއުގައި މީގެކުރިން ވެސް މާލޭގައި ވަނީ އެއްވުންތަކެއް ބާއްވައިފައެވެ.
