ވިނަރެސް ފްލެޓްތަކަށް ކޮންމެ ދިވެއްސަކަށް ވެސް އެޕްލައި ކުރެވޭނެކަމަށް ބުނެ ފޮނުވަމުންދާ ސްކޭމް ލިންކުތަކަށް ސަމާލުވުމަށް ދިވެހި ފުލުހުންގެ ޚިދުމަތުން އިލްތިމާސްކޮށްފިއެވެ.
“ވިނަރެސް ފްލެޓްތަކަށް ރާއްޖޭގެ ކޮންމެ ރައްޔިތަކަށް ވެސް އެޕްލައި ކުރުމުގެ ފުރުސަތު އެޗްޑީސީން ހުޅުވާލައިފިއެވެ. އިތުރު މައުލޫމްތު އަޅުގަނޑުމެންގެ ވެބްސައިޓުން ލިބެން ހުންނާނެއެވެ”. ދައުރުވަމުންދާ ސްކޭމް މެސެޖުގައި ބުނެފައިވެއެވެ.
ފުލުހުން ވަނީ އެ ފަދައިން ބުނެ ފޮނުވާފައިވާ މެސެޖެއްގެ ސްކްރީންޝޮޓެއް ސޯޝަލް މީޑިއާގައި އާންމުކޮށްފައެވެ. ފުލުހުން ހާމަކުރި ގޮތުގައި އެ ލިންކު މެދުވެރިކޮށް އެ ފަރާތްތަކުން ދަނީ މީހުންގެ ފޭސްބުކް އަދި އިންސްޓަގްރާމް އެކައުންޓުތައް ހެކްކުރަމުންނެވެ.
