ހަކުރު ބައްޔަކީ ކެއުން ކޮންޓްރޯލްކުރަން ޖެހޭ ބައްޔެއްކަމުން ގިނައިން ބަނޑުހައިވުމަކީ ވަރަށް ގިނަ މީހުންގެ ޝަކުވާއެކެވެ. އަދި ކެވޭތަކެތި ކޮންޓްރޯލު ކުރަން ޖެހުމުން ބަނޑުހައިކަން ފިލުވާލަން ކެވިދާނެ އެއްޗެއް ނޭގިގެން އުޅެން ޖެހެއެވެ. ތިރީގައި މި ދަންނަވާލަނީ ހަކުރުބަލި ހުންނަ މީހުނަށް ލުއިކާނާއެއް ގޮތުގައި ކެވިދާނެ ބައެއް ތަކެއްޗެވެ. މިތަކެތި ކެއުމުން ހަށިގަނޑުގެ ހަކުރުގެ މާއްދާ އެހާ މަދި ނުކޮށްދޭނެއެވެ.
1. ފެނުކެއްކި ބިސް
ބިހަކީ އޭގައި ގިނަގުނަ ފައިދާތަކެއް އެކުލެވޭ އަދި ޕްރޮޓީންސްވެސް ގިނަ އެއްޗެކެވެ.
2. ޕްލެއިން ޔޯގަޓް
ޔޯގަޓް އަކީ ހަށިގަނޑުގެ ދުޅަތައް ތިރިކޮށްދިނުމުގައްޔާއި ހަކުރު ދަށްކޮށްދިނުމުގައި އެހީތެރިވެދޭ ހޯމޯންސް އުފައްދާދޭން އެހީވެދޭ އެއްޗެކެވެ. ޔޯގަޓް ކާއިރު އެއާއި އެކު ބެރީ ނުވަތަ ފެހި އާފަލު އެއްކޮށްގެން ކެވިދާނެއެވެ.
3. އަލްމަންޑް
ބަދަނުގެ ތެރެއިން ހަށިގަނޑަށް ގިނަ ފައިދާތަކެއް އެކުވެލެވޭ އަލްމަންޑަކީ އޭގެ 28 ގުރާމުން ގިނަގުނަ ވިޓަމިން އަދި މިނަރަލްސް އެކުލެވޭ އެއްޗެކެވެ.
4. ސަނާމުގު
މުރަން ކޮށްފައި ހުންނަ ސަނާމުގު ނުވަތަ ފެނުކެއްކި ސަނާމުގަކީވެސް ބަނޑުހައިވުން ހަށިގަނޑުން ފިލުވާލަދީ ގިނައިރު ބަނޑުހައިނުވެ ހަށިގަނޑު ބަހައްޓަދޭ އެއްޗެވެ.
5. ޕޮޕްކޯން
ހަދާލަން ފަސޭހަ އަދި ހަރަދު ކުޑަ ޕޮޕްކޯން ގޭގައިވެސް ތައްޔާރުކޮށްލަން ފަސޭހަ ވާނެއެވެ. މިގޮތަށް ޕޮޕްކޯންތައްޔާރު ކުރާއިރު ލޮނު އަދި މާޖެރިން ފަދަ ތެޔޮ ނާޅާ ހެދުން އެދެވިގެންވެއެވެ.
6. އޯޓްސް ބޯކިބާ
ދިވެހިންނާއި ގުޅޭ މި ބޯކިބަލަކީ ހަކުރުބަލި ހުންނަ ބޭފުޅުންނަށްވެސް ވަރަށް މީރު ބޯކިބަލެކެވެ.
ހަކުރުބަލި ހުންނަ މީހުނަށްވެސް ކެވޭނެ ވަރަށް ގިނަ ތަކެތި ހުރެއެވެ. އޭގެތެރެއިން ކެއުން އެންމެ މުހިއްމީ ޕްރޮޓީންސް، ފައިބާ، އަދި ރަނގަޅު ފެޓްސް ހިމެނޭ ތަކެއްޗެވެ.
