ބޭންކް އޮފް މޯލްޑިވްސް (ބީއެމްއެލް)ގެ އެޕްލިކޭޝަން އަނެއްކާވެސް ޑައުންވެއްޖެއެވެ.
ބޭންކް އޮފް މޯލްޑިވްސް ބުނީ، ޓެކްނިކަލް މައްސަލައަކާއި ގުޅިގެން އެ ބޭންކްގެ މޯބައިލް އެޕްލިކޭޝަނާއި އިންޓަނޭޓް ބޭންކިންގއަށް ވަނުމުގައި ހުރަސްތަކެއް ދިމާވެފައިވާ ކަމަށެވެ.
ގާތް ގާތުގައި އިންޓަރނެޓް ބޭންކިނގް ޑައުން ވުމާއި ގުޅިގެން ގިނަ އަދަދެއްގެ އާންމުންވެސް ނުރުހުން ފާޅުކޮށް މީސް މީޑިޔާގެ މަންސަތަކުގައި އަންނަނީ ނުރުހުންވުން ފާޅުކުރަމުންނެވެ.
ބޭނުން އިތުރަށް ބުނީ ވީހާވެސް އަވަހަކަށް ދިމާވި މައްސަލަ ހައްލު ކުރުމަށް މަސައްކަތްތައް ކުރަމުން އަންނަ ކަމަށާއި އެކަމުގެ ސަބަބުން ދިމާވަމުންދާ ދަތިތަކަށް މައާފަށް އެދޭކަމަށެވެ.
ބީއެމްއެލްގެ އެޕްލިކޭޝަނަށް މިދިޔަ ބުރާސްފަތި ދުވަހުވެސް މައްސަލަތަކެއް ކުރިމަތިވިއެވެ. އެ މައްސަލަ ކުރިމަތިވީ ބީއެމްއެލްގެ އެކައުންޓްތަކަށް ގިނަ އަދަދެއްގެ ފައިސާ ޖަމާވި ފަހުންނެވެ. އޭގެ ފަހުން އެޕް އިނީ ޑައުންވެފައެވެ.
