ރާއްޖޭގެ ބޮޑު ބަޔަކަށް މިއަދާއި މިރޭ ވިއްސާރަ ކުރާނެ ކަމަށް މޫސުމާއި ބެހޭ ގައުމީ އިދާރާއިން ލަފާކޮށް ބުނެފި އެވެ.
ކުރިއަށް އޮތް 24 ގަޑިއިރު ރާއްޖޭގެ ހުރިހާ ހިސާބަކަށް ވެސް ވިއްސާރަ ކުރާނެ ކަމަށާއި ހާއްސަކޮށް މިރޭ ރާއްޖޭގެ އެކި ހިސާބުތަކަށް ގުގުރުމާ އެކު، ބޯކޮށް ވާރޭވެހޭނެ ކަމަށް ލަފާކުރެވޭ ކަމަށް އެއިދާރާއިން ބުނެފައިވެއެވެ.
“މާދަމާ މެންދުރު ވިއްސާރަ އަލިކޮށްލާނެ ކަމަށް ބެލެވެނީ،” އެ އޮފީހުން ބުންޏެވެ.
މީގެއިތުރުން، އެއިދާރާއިން ވަނީ މިރޭ 7:00 އާ ހަމައަށް، ޅ. އަތޮޅުން ފެށިގެން ލ. އަތޮޅަށް ވައިޓް އެލާޓް ވެސް ނެރެފައެވެ.
އެއިދާރާއިން ބުނެފައިވާ ގޮތުގައި
މެދުރާއްޖެތެރެ އާއި އުތުރުގެ ރަށްތަކަށް ހުޅަނގާއި ހުޅަނގުއުތުރުން ގަޑިއަކު އަށް މާލޭއި 18 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ބެލެވޭ ކަމަށާއި ދެކުނުގެ އަތޮޅުތަކަށް، ދެކުނާއި ހުޅަނގުދެކުނުން ގަޑިއަކު ތިން މޭލާއި 13 މޭލާ ދެމެދުގެ ބާރުމިނުގަ ވައިޖެހޭނެ ކަމަށް ލަފާކުރެވޭ ކަމަށް އެއިދާރާއިން ބުނެފައިވެއެވެ.
މީގެއިތުރުން، މެދުރާއްޖެތެރެ އާއި އުތުރުގެ ކަނޑުތައް އާދައިގެ ވަރަކަށް ގަދަވާނެ ކަމަށް ލަފާކުރެވޭއިރު، ދެކުނުގެ ކަނޑުތައް އާދައިގެ ވަރަކަށް މަޑުވާނެ ކަމަށް ވެސް އެއިދާރާއިން ބުނެފައެވެ.
