ރަށްރަށުގައި ހިންގާ ޕްރޮޖެކްޓްތަކަށް ހާއްސަކޮށްގެން ކޮންޓްރެކްޓް އުސޫލުން ނަގާފައިވާ މުވައްޒަފުން މިމަހުން ފެށިގެން ދޫކޮށްލަން އެކުންފުނިން ނިންމައިފި އެވެ.
ފެނަކައިން ވަނީ ހުސްވި އަހަރުގެ ޑިސެމްބަރު މަހުގައި އެފަދަ މުޒައްޒަފުންގެ ކޮންޓްރެކްޓް ހަމަވުމުން، ކޮންޓްރެކްޓް އައު ނުކުރާނެ ކަމަށް އަންގާފައެވެ.
ކުރީ ސަރުކާރުން ކޮންޓެރްކްޓް އުސޫލުގެ ދަށުން 2000 މުވައްޒަފުން ނަގާފައިވާއިރު، އޭގެ ތެރެއިން 1،800 މީހުން ނަގާފައި ވަނީ ކުދިކުދި ޕްރޮޖެކްޓްތަކަށް ކަމަށް އެކުންފުނިން ބުނެފައިވެއެވެ.
ފެނަކައިގެ އިސް އޮފިޝަލަކާއި ހަވާލާދީ ރާއްޖޭގެ އޮންލައިން ނޫހެއް ކަމަށްވާ “މިހާރު” ނޫހުން ރިޕޯޓްކޮށްފައިވާ ގޮތުގައި އިންޖީނުގެ އާއި އޮފީސް އިމާރާތްތައް ހަދަން އެކުންފުނިން ވަނީ ކޮންޓްރެކްޓް މިވައްޒަފުންގެ ގޮތުގައި 731 މުވައްޒަފުން ނަގާފައިވާ އެވެ. އަދި ނޮވެމްބަރު 17، 2023 ގައި އާ ސަރުކާރުން ވެރިކަމާ ހަވާލުވިއިރު އެ މަޝްރޫއުތައް ހުއްޓިފައި އޮތްކަމުގައިވީ ނަމަވެސް އެ މުވައްޒަފުންނަށް ފައިސާ ބަރާބަރފަށް ދަނީ ދެމުނެވެ.
އެގޮތުން ކޮންޓްރެކްޓް މުވައްޒަފުންގެ މުސާރައަށް މަހެއްގެ މައްޗަށް 7-9 މިލިއަން ރުފިޔާ ހަރަދުކުރަން ޖެހޭ ކަމަށް ފެނަކައިން ބުނެފައިވެއެވެ. އޭނާ އިތުރަށް ވިދާޅުވީ އެކުންފުނީގެ މިހާރުގެ މާލީ ހާލަތަށް ބަލާއިރު، މިއީ ކުރެވޭނެ ވަރުގެ ހޭދައެއް ނޫންކަމަށްވާތީވެ އެމުވައްޒަފުން ދޫކޮށްލުމަށް އެކުންފުނިން މިހާރު ނިންމާފައިވާ ކަމަށެވެ.
