ކިންގްސްޓޮން ހޯލްޑިންގްސް ކުންފުނިން ސައިކަލު ގަންނަން ފައިސާ ދެއްކި މީހުންގެ މައުލޫމާތު ފުލުހުންނާއި ހިއްސާކުރަން އަންގައިފި އެވެ.
ފުލުހުންގެ އިދާރާއިން މިއަދު ކޮށްފައިވާ އިއުލާނެއްގައި ބުނެފައި ވަނީ ކިންގްސްޓޮން ހޯލްޑިންސް މޯލްޑިވްސް ކުންފުނިން ސައިކަލު ވިއްކާ ކަމަށް ބުނެ މަކަރާއި ހީލަތުން ފައިސާ ނަގާފައިވާ ކަމަށް ތުހުމަތު ކުރެވޭ މައްސަލަތަކެއް އެއިދާރާއަށް ހުށަހަޅާފައިވާތީވެ އެމައްސަލަ ފުލުހުން ތަހުގީގު ކުރަމުންދާ ކަމަށެވެ.
އެހެންކަމުން އެ ކުންފުނިން ސައިކަލު ގަތުމުގައި މަކަރާއި ހީލަތުގެ ޝިކާރައަކަށް ވެފައިވާ ނަމަ އިކޮނޮމިކް ކްރައިމް އިންވެސްޓިގޭޝަންގެ ނަންބަރު 9790048 އަށް ގުޅުއްވާ މައުލޫމާތު ހިއްސާކޮށްދިނުމަށް އެއިދާރާއިން ވަނީ އެދިފަ އެވެ.
މައުލޫމާތު ލިބިފައިވާ ގޮތުގައި އެކުންފުނިން ސައިކަލު ގަތުމަށް ފައިސާ ދައްކުމަށްފަހު ސައިކަލު އަތަށް ނުލިބި އަހަރަކަށް ވުރެއް ގިނަ ދުވަސް ވެފައި އެބަހުރި އެވެ. އަދި ފައިސާ ދެއްކުމަށްފަހު، ސައިކަލު ނުލިބުމުން ކިންގްސްޓޮންގެ އޮފީހަށް ގުޅުމުން ފޯނު ވެސް ނުނަގާ ކަމަށް، ސައިކަލު ގަންނަން ފައިސާ ދައްކާފައިވާ ބައެއް މީހުން ބުނެފައިވެ އެވެ.
