ހެވީ ވެހިކަލް ޕާކުކުރުމަށް މާލޭގެ އިންޑަސްޓްރިއަލް ޒޯނުން ޖާގަ ކުއްޔަށް ދޭން ނިންމައިފިއެވެ.
މި ކަމާ ގުޅިގެން މޯލްޑިވްސް ޕޯޓްސް ލިމިޓެޑް (އެމްޕީއެލް)އިން ހާމާކޮށްފައިވާ ގޮތުގައި ހެވީ ވެހިކަލްތަކަށް ޚާއްޞަކޮށްގެން ޕާކިން ސަރަހައްދެއް ތަރައްޤީކޮށް، އެ ތަނުން ޖާގަ ކުއްޔަށް ދިނުމަށް މިހާރު ވަނީ ނިންމާފައެވެ.
މި މަހުގެ 15 ވަނަ ދުވަހުން ފެށިގެން އެ ޒޯނުން ސްލޮޓުތައް ކުއްޔަން ދޭން ފަށާނެކަމަށް އެމްޕީއެލުން ނެރުނު އިއުލާނުގައި ބުނެފައިވެއެވެ.
ކުއްޔަށް ދިނުމަށް ހަމަޖެހިފައިވާ އަގުތައް:
- ކޮމާޝަލް ހާބަރުގައި ރަޖިސްޓްރީކޮށްފައިވާ އުޅަނދުތައް – 2،000 ރުފިޔާ
- ބައުޒަރު – 4،000 ރުފިޔާ
- ކްރޭން – 6،000
- އެހެނިން ވެހިކަލް – 4،000
މި ސްލޮޓުތައް ގަންނަން ބޭނުންވާ ފަރާތްތަކުން އެ ކަމަށް ޚާއްޞަ ލިޔުމެއް ހުށަހެޅުއްވުމަށް އެމްޕީއެލުން އެދިފައިވެއެވެ.
