ފެނަކަ ކޯޕަރޭޝަން ލިމިޓެޑްގެ ބޯޑުގެ ޗެއާމަން އަޙްމަދު ޝަހީރާއި އެ ކުންފުނީގެ ބޯޑުގެ އިތުރު 2 މެންބަރަކު މަގާމުން ވަކިކޮށްފިއެވެ.
އަޙްމަދު ޝަހީރުގެ އިތުރުން އެ ކުންފުނީގެ ބޯޑުގައި ހިމެނޭ 2 މެންބަރުންކަމަށްވާ އަޙްމަދު އިހާބާއި އިބްރާހީމް ނާއިފް މަގާމުން ވަކިކޮށްފައިވަނީ މި މަހުގެ 8 ވަނަ ދުވަހުއެވެ.
އެ ފަރާތްތައް ވަކި ކުރިކަމުގެ ސިޓީ މިދިޔަ ބުރާސްފަތި ދުވަހު ޕްރައިވެޓައިޒޭޝަން ބޯޑު (ޕީސީބީ)ން ފޮނުވާފައިވާކަމަށް ފެނަކައިގެ މެނޭޖިން ޑިރެކްޓަރު މުއާޒް މުޙައްމަދު ރަޝީދު ރާއްޖޭގެ ނޫހަކަށް ދިން ބަސްދީގަތުމެއްގައި ވިދާޅުވެފައިވެއެވެ.
އެ ބޭފުޅުން މަގާމުން ވަކިކުރަން ޖެހުނު ސަބަބެއް އަދި ފެނަކައިން ހިއްސާކޮށްފައެއް ނުވެއެވެ.
މީގެ އިތުރުން މި މަހުގެ 8 ވަނަ ދުވަހު ފެނަކައިގެ ކޮންސްޓްރަކްޝަން މަސައްކަތްތަކަށް ނަގާފައި ތިބި ވަގުތީ މުވައްޒަފުން ވަކިކުރުމަށް ވެސް އެ ކުންފުނިން ވަނީ ނިންމާފައެވެ.
