ސަރުކާރު ހިއްސާވާ 10 ކުންފުންޏެއްގެ ބޯޑުން 19 ބޯޑު މެންބަރުންނާއި ތިން ކުންފުންޏެއްގެ ޗެއާޕާސަން ބަދަލުކޮށްފި އެވެ.
ޕްރައިވަޓައިޒޭޝަން އެންޑް ކޯޕޮރަޓައިޒޭޝަން ބޯޑު (ޕީސީބީ) އިން މިއަދު އާންމުކޮށްފައިވާ އިއުލާނެއްގައިވާ ބަޔާންކޮށްފައިވާ ގޮތުގައި 87 ކުންފުންޏެއްގެ ބޯޑު މެންބަރުން ވަނީ ވަކިކޮށްފައެވެ.
- ހައުސިން ޑިވެލޮޕްމެންޓް ފައިނޭންސް ކޯޕަރޭޝަން (އެޗްޑީއެފްސީ) – 2 މެންބަރުން
- މޯލްޑިވްސް ޕޯސްޓް ލިމިޓެޑް – 2 މެންބަރުން
- އައްޑޫ އިންޓަނޭޝަނަލް އެއާޕޯޓް ޕްރައިވެޓް ލިމިޓެޑް – 3 މެންބަރުން
- ބީސީސީ – 2 މެންބަރުން
- ފަހި ދިރިއުޅުން ކޯޕަރޭޝަން – 1 މެންބަރެއް
- ފެނަކަ – 3 މެންބަރުން
- ޕޮލްކޯ – 1 މެންބަރެއް
- އެސްޑީއެފްސީ – 1 މެންބަރެއް
- ޓްރޭޑްނެޓް ކޯޕަރޭޝަން – 1 މެންބަރެއް
- ވެމްކޯ – 3 މެންބަރުން
ޕީސީބީން އާންމުކޮށްފައިވާ މައުލޫމާތުގައިވާ ގޮތުން، މޯލްޑިވްސް ޕޯސްޓްގެ ޗެއާޕާސަން މުހައްމަދު އަބްދުﷲ އާއި ފެނަކަ ކޯޕަރޭޝަންގެ ޗެއާޕާސަން އަހްމަދު ޝަހީރާއި އެސްޑީއެފްސީގެ ޗެއާޕާސަން ޝުހާދު އިބްރާހީމް ވެސް ވަނީ މަގާމުން ވަކިކޮށްފައިވެއެވެ. އަދި މޯލްޑިވް ގޭސްގެ ކުރީގެ ޑެޕިއުޓީ މެނޭޖިން ޑިރެކްޓަރު އަދި ވެމްކޯގެ ބޯޑު މެންބަރެއްގެ ގޮތުގައި މިވަގުތު ހުންނެވި އަލީ އިކްރާމް ވެސް ވަނީ މަގާމުން ވަކިކޮށްފައިވެއެވެ.
މީގެއިތުރުން، ޕީސީބީން ވަނީ ބައެއް ކުންފުނިތަކުގެ ބޯޑަށް މެންބަރުން އައްޔަން ވެސް ކޮށްފައެވެ. އެގޮތުން، އެޗްޑީއެފްސީގެ ބޯޑަށް ޒިދުނާ އިބްރާހީމް، މޯލްޑިވްސް ޕޯސްޓްގެ ބޯޑަށް ހައްވާ ސަފްނާ ވަނީ އައްޔަންކޮށްފައެވެ.
