ރާއްޖެއަށް ކުރަމުންދާ ހުޅަނގު މޫސުމުގެ ވިއްސާރައިގައި މޫސުން ގޯސްވެފައިވާތީވެ މިހަފްތާގައި ފްލައިޓްތައް ޑިލޭ ވުމަކީ އެކަށީގެންވާ ކަމެއް ކަމަށް މޯލްޑިވްސް އެއާޕޯޓު ކޮމްޕެނީ ލިމިޓެޑް (އެމްއޭސީއެލް) އިން ބުނެފިއެވެ.
މޫސުން ގޯސްވުމުގެ ސަބަބުން މާލެއަށް ދަނީ މިއަދު މެންދުރު ފެށިގެން ބޯކޮށް ވާރޭ ވެހެމުންނެވެ. ވާރޭ ވެހުމުގެ ސަބަބުން މާލޭގެ މަގުތަކުގައި ފެން ބޮޑުވެފައިވާއިރު، އެމްއޭސީއެލް އިން މިއަދު އެކްސްގައި ކުރި ޕޯސްޓެއްގައި ބުނެފައި ވަނީ މި ހަފްތާ ތެރޭގައި ބޯކޮށް ވާރޭ ވެހޭނެ ކަމަށް ލަފާ ކޮށްފައިވާތީ ފްލައިޓް ދަތުރު ކުރާ ގަޑި ލަސްވުން އެކަށީގެންވާ ކަމަށެވެ. އަދި އެހެންކަމުން އެއާޕޯޓަށް އަންނަ އިރު އެކަމަށް ސަމާލުވެ ރަނގަޅަށް ތައްޔާރުވުމަށް ފަސިންޖަރުންގެ އެމްއޭސީއެލް އިން ވަނީ ފަސިޖަރުން ކިބައިން އެދިފައެވެ.
މޫސުމާއި ބެހޭ ގައުމީ އިދާރާއިން ވަނީ މިހަފްތާގައި ރާއްޖޭ ހުރިހާ ހިސާބަކަށް ވެސް މޫސުން ގޯސްވެ، ބޯކޮށް ވާރޭވެހި، ވައިގަދަވާނެ ކަމަށް ލަފާކޮށްފައެވެ. ފުލުހުން ވެސް ކޮންމެހެން ކުރަން ޖެހިއްޖެ ހާލަތެއްގައި ނޫނީ ކަނޑު ދަތުރު ނުކުރުމަށް އިލްތިމާސް ކޮށްފައެވެ.
