ރައީސުލްޖުމްހޫރިއްޔާގެ އޮފީހުގެ މިނިސްޓަރކަމުގެ މަޤާމުގައި ހުރި، އާދަމް ރަމީޒް އެ މަޤާމުން ވަކިކޮށްފިއެވެ.
ބަލަމުންދާ މައްސަލައަކާ ގުޅިގެން ސަސްޕެންޑްކޮށްފައި ހުރި ރަމީޒް އެ މަޤާމުން ވަކިކުރިކަން ރައީސް އޮފީހުންވެސް ކަށަވަރުކޮށްދެއްވައިފައިވާއިރު، ރަމީޒް ވަކި ކުރި ތާރީޚެއް އެ އޮފީހުން ހާމަކޮށްފައެއް ނުވެއެވެ.
ރަމީޒް ސަސްޕެންޑުކުރިއިރު ރަމީޒުގެ ކުރީގެ އަނބިކަނބަލުން ޝަމްނާޒު އަލީ ސަލީމު ހުންނެވީ ސިހުރު ހެދުމުގެ ތުހުމަތުގައި ބަންދުކޮށްފަ އެވެ.
ސިޓީ ކައުންސިލުގައި ރައީސް މުއިއްޒާ އެންމެ އަރިހުން މަސައްކަތްކުރި ރަމީޒަކީ ކުރީގެ އިދިކޮޅު ލީޑަރު ރައީސް އަބްދުﷲ ޔާމީނު ޖަލުގައި ހުންނެވި ދުވަސްވަރު ރައީސް މުއިއްޒަށް ޕީޕީއެމް/ޕީއެންސީގެ ޓިކެޓު ހޯއްދަވައިދެއްވަން އުޅުއްވިކަމަށް ތުހުމަތުކޮށް ސަސްޕެންޑުކުރެވުނު ބޭފުޅެކެވެ.