ގަދަ ވަޔާއެކު އައިޖީއެމްއެޗް ކައިރީގައި ހުރި ފާރެއް ވެއްޓި އެ ސަރަހައްދުގައި ހުރި 9 ސައިކަލަކަށް ގެއްލުން ވެއްޖެއެވެ.
އެއީ އައިޖީއެމްޗްގެ އިމަރޖެންސީ ކައިރިން ދިރާގުގެ ހެޑް ކުއާޓަރސް ފަހަތަށް ވާގޮތަށް ހުރި ފާރެއް ކަމަށް މައުލޫމާތު ލިބެއެވެ. ފާރު ވެއްޓުމުގެ ތެރޭގައި އެ ސަރަހައްދުގައި ހުރި ގަހެއްގައި ޖެހި އެ ގަސް ވެސް ވެއްޓިފައިވެއެވެ.
މި ހާދިސާ ހިނގާފައި ވަނީ ރޭ 11 ޖަހާކަށް ހާއިރެވެ.
ފާރު ނަގައި އެ ސަރަހައްދު ސާފު ކުރުމުގެ މަސައްކަތް ފުލުހުންނާއި ކަމާބެހޭ އެހެނިހެން އިދާރާތަކުން ވަނީ އެ ވަގުތު ފަށާފައެވެ.
