ހުޅުމާލެ ފޭސް 1 ގައި 12 ފަންގިފިލާގެ އިމާރާތެއް އަޅައިދޭނެ ފަރާތެއް ހޯދުމަށް އިއުލާން ކޮށްފި އެވެ.
އިސްލާމިކް މިނިސްޓްރީން އާއްމުކުރި އިއުލާނެއްގައި ވަނީ ކޮންޓްރެކްޓާ ފިނޭންސްގެ އުސޫލުން ހުޅުމާލެ ފޭސް 1 ގައި 12 ފަންގިފިލާގެ އޮފީސް އިމާރާތެއް އަޅައިދިނުމުގެ މަސައްކަތް ކުރުމަށް ރާއްޖެއާއި ރާއްޖެއިން ބޭރުގެ ފަރާތްތަކުން ޕްރޮޕޯސަލް ހުށަހެޅުމަށް ރަޖިސްޓްރީކޮށް، މައުލޫމާތު ސާފުކުރުމަށްފަހު ޕްރޮޕޯސަލް ހުށަހެޅުމަށް ހުޅުވާލާފައިވާ ކަމަށެވެ.
އެމިނިސްޓްރީން ހާމަކޮށްފައިވާ ގޮތުގައި މިމައްސަކަތާއި ގުޅޭ ޕްރީބިޑް މީޓިން އޮގަސްޓް 26 ވަނަ ދުވަހުގެ 11:00 ގައި އިސްލާމީ މަރުކަޒުގައި ބާއްވާފައިވާ ކަމަށެވެ. އަދި ބީލަމުގައި ބައިވެރިވާން އެދޭ ފަރާތްތަކުން އޮގަސްޓް 26 ދުވަހުގެ 10:00 ގެ ކުރިން ލިންކު މެދުވެރިކޮށް ރަޖިސްޓްރީކުރުމަށާއި 8 ސެޕްޓެމްބަރު 11:00 ގައި ޕްރޮޕޯސަލް ހުށަހެޅުން އޮންނާނެ އެވެ.
