ދިވެހި ރެޑް ކްރެސެންޓުން ދެމުންދާ ޚިދުމަތް ލިބިގަތުމުގައި އާންމުންނަށް އިތުރަށް ފަސޭހަކޮށްދިނުމުގެ ގޮތުން އެޕްލިކޭޝަނެއް ތަޢާރަފްކުރުމުގެ މަސައްކަތް ކުރަމުންދާކަމަށް ރެޑް ކްރެސެންޓުން ހާމަކޮށްފިއެވެ.
ދިވެހި ރެޑް ކްރެސެންޓްގެ މެނޭޖަރ އޮފް ޕްރޮގްރާމްސް އެންޑް ސަރވިސަސް އިބްރާހިމް ޝަމީލް ދިވެހިރާއްޖޭގެ ގައުމީ ޗެނަލް، ޕީއެސްއެމަށް ދެއްވި އިންޓަވިއުއެއްގައި ވިދާޅުވީ މި މަހުގެ 27 ވަނަ ދުވަހު މި މޯބައިލް އެޕްލިކޭޝަން އިފްތިތާހްކުރާ ގޮތަށް ވަނީ ހަމަޖެހިފައިކަމަށެވެ. އަދި މި ގޮތަށް ނިންމެވި މައިގަނޑު ސަބަބަކީ ރެޑް ކްރެސެންޓުން ދޭ ޚިދުމަތް ފަސޭހައިން އާންމުންނަށް ލިބޭނެ އިންތިޒާމް ހަމަޖެއްސުންކަމަށް ޝަމީލް ވިދާޅުވިއެވެ.
އެ އެޕްލިކޭޝަން މެދުވެރިކޮށް އެ ޖަމްޢިއްޔާގެ ދަރުމަވެރިއަކަށްވުމުގެ އިތުރުން މެންބަރަކަށްވުމުގެ ފުރުސަތު ވެސް ފަހިވެގެންދާނެކަމަށް ޝަމީލް ވިދާޅުވެފައިވެއެވެ.
މިއީ އެ ޖަމްޢިއްޔާއަށް 15 އަހަރު ފުރުމާއި ގުޅުވައިގެން އިފްތިތާހްކުރާ އެޕްލިކޭޝަނެއްކަމަށް ޝަމީލް ވިދާޅުވިއެވެ.
