ހުޅުމާލެ ފޭސް 1 ގެ ސްޕާއަކަށް ވަދެ ރޭ ފަތިހު ކަޓަރު އަޅާ ބިދޭސީ އަންހެނަކަށް ބިރުދައްކައިގެން ފޭރުނު .މައްސަލަ އާއި ގުޅިގެން މީހަކު ހައްޔަރު ކޮށްފިއެވެ.
މިމައްސަލަ އާއި ގުޅިގެން ހައްޔަރު ކޮށްފައިވާ މީހާގެ ވަނަވަރު ފުލުހުން އާންމުކޮށްފައިވާއިރު، ކޯޓު އަމުރެއްގެ ދަށުން ހައްޔަރު ކޮށްފައި ވަނީ ގދ. ތިނަދޫ ސްކޫނާ އުމުރުން 29 އަހަރުގެ އަލީ ޝައްމާހު ވަހީދު އެވެ.
ފުލުހުން ބުނެފައިވާ ގޮތުގައި މިހާދިސާގައި ބިރުދައްކައިގެން ފޭރިފައި ވަނީ ބިދޭސީ އަންހެނެއްގެ ގައިގައި ކަޓަރު އަޅާއިގެންނެވެ.
ފުލުހުން މިހާރު މިމައްސަލަ ތަހުގީގު ކުރަމުންދާއިރު، މިމައްސަލަ އާއި ގުޅިގެން ހައްޔަރުކޮށްފައިވާ މީހާ ފޭރުނީ ކިހާ އަދަދެއްގެ ފައިސާއެއް ކަމެއް ހާމަކޮށްފައެއް ނުވެއެވެ.
