ޗައިނާގެ ބެއިޖިން ނޯމަލް ޔުނިވާސިޓީން އެރުއްވި ދަޢުވަތަކަށް މަތީ ތައުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާބެހޭ ވަޒީރު، ޑރ. މަރްޔަމް މާރިޔާ ޗައިނާއަށް ފުރުއްވައިފިއެވެ.
މި ދަތުރުފުޅުގެ މައިގަނޑު ހަރަކާތްތަކުގެ ތެރޭގައި “ރައުންޑް ޓޭބަލް އޮން ވިމެންސް ލީޑަރޝިޕް އިން ދަ އޭޖް އޮފް އޭއައި”ގެ ޕެނަލިސްޓެއްގެ މަގާމު ފުރުއްވުމާއި ބެއިޖިން ނޯމަލް ޔުނިވާސިޓީ އިން އިންތިޒާމްކުރާ “ޑިވެލޮޕްމަންޓް އެންޑް ޔޫސް އޮފް ޑިޖިޓަލް ޓެކްސްޓް ބުކް” ފޯރަމްގައި ބައިވެރިވެވަޑައިގެންނެވުން ހިމެނެއެވެ.
މީގެ އިތުރުން މާރިޔާގެ މި ދަތުރުފުޅުގައި ބެއިޖިން ނޯމަލް ޔުނިވާސިޓީގެ ޕްރެޒިޓެންޓް ޕްރޮފެސަރ ޔޫ ޖިއޮންޖާއި، ވައިސް ޕްރެޒިޓެންޓް ޕްރޮފެސަރ ޖޯ ޒުއޮޔުއާއި، ސްމާޓް ލާރނިންގ އިންސްޓިޓިއުޓް އޮފް ބެޖިން ނޯމަލް ޔުނިވާސިޓީގެ ވައިސް ޑީން އަދި ކުރީގެ ޕްރެޒިޑެންޓް އޮފް ކޮމަންވެލްތް އޮޕް ލާރނިންގއާ ބައްދަލުކުރެއްވުމަށް ހަމަޖެހިފައިވާކަމަށް ހަޔާ އެޑިއުކޭޝަން މިނިސްޓްރީން ހާމަކޮށްފައިވެއެވެ.
ދިވެހި ޒުވާނުންނަށް މަތީ ތަޢުލީމުގެ ފުރުސަތުތައް ތަނަވަސްކޮށްދިނުމަށް މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާބެހޭ ވުޒާރާއިން ގިނަގުނަ މަސައްކަތްތަކެއް ކުރައްވަމުންގެންދަވާކަން ފާހަގަކޮށްލެވެއެވެ.
