ފުލުހުން ބަލަމުން އަންނަ ވައްކަމުގެ މައްސަލައަކާއި ގުޅިގެން މީހަކު ހޯދުމަށް ފުލުހުން އިއުލާނުކޮށްފިއެވެ.
ފުލުހުން ކުރި އިއުލާނެއްގައި ބުނެފައިވަނީ، ފުވައްމުލަކު ސިޓީ ފުލިހުން ތަހުގީގު ކުރަމުންދާ، ވައްކަމުގެ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާ މީހަކު ހޯދަމުން އަންނަކަމަށެވެ.
ފުލުހުން ހޯދުމަށް އިއުލާނުކޮށްފައިވަނީ، ފުވައްމުލަކަށް ނިސްބަތްވާ އެރަށު މިސްކިތްމަގު. ކެމީ، އަހްމަދު ޝަފްރާޒްއެވެ.
ޝަފްރާޒް ހާޒިރުކުރަނީ މައްސަލައިގެ ތަހުގީގަށް ސުވާލުކުރުމަށް ކަމަށް ވެސް ފުލުހުން ބުނެފައިވެއެވެ.
އަދި މިމަހުގެ 25 ވަނަ ދުވަހުގެ 13:00ށް ފުވައްމުލަކު ސިޓީ ޕޮލިސް ސްޓޭޝަނަށް ޝަފްރާޒް ހާޒިރުވުމަށްވެސް ފުލުހުންގެ އިއުލާނުގައި ވަނީ ބުނެފައެވެ.