ހުޅުމާލޭގައި ބުޓީކް ހޮޓާ ތަރައްޤީކޮށް ހިންގުމަށް ޝައުޤުވެރިވާ ފަރާތްތަކަށް އެ ފުރުސަތު ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ)ން ހުޅުވާލައިފިއެވެ.
އެޗްޑީސީން އިއްޔެ އާންމު ކުރި ގޮތުގައި ހުޅުމާލޭގެ 2 ވަނަ ފިޔަވަހީގެ އިންޓަގްރޭޓެޑް ޓޫރިޒަމް ޒޯން، އާބަން އައިލްގައި 3 ބުޓީކްހޮޓެލް ތަރައްޤީކޮށް ހިންގަން ޝައުގުވެރިވާ ފަރާތްތަކުން އެކްސްޕްރެޝަން އޮފް އިންޓްރެސްޓް (އީއޯއައި) ހުށަހެޅުމުގެ ފުރުސަތު މިހާރު ވަނީ ހުޅުވާލެވިފައެވެ.
މަޝްރޫޢު ހަވާލުކުރުމުގައި އިސްކަން ދޭނީ ލޭންޑް ލީސް މޮޑެލަށް އީއޯއައި ހުށަހަޅުއްވާ ފަރާތްތަކަށްކަމަށް އެ ކުންފުނިން ބުންޏެވެ. އެހެންނަމަވެސް އެހެން މޮޑެލްތަކަށް ހުށަހަޅާ އީއޯއައިތައް ވެސް ބަލައިގަންނާނެކަމުގައި އެޗްޑީސީން ހާމަކޮށްފައިވެއެވެ.
މި މަސައްކަތަށް ޝައުގުވެރިވާ ފަރާތްތަކުން އަންނަ މަހުގެ އެއްވަނަ ދުވަހުގެ މެންދުރު 2:00 ގެ ކުރިން business@hdc.mv އަށް އީއޯއައި ހުށަހަޅުއްވަން އެޗްޑީސީން އެދިފައިވެއެވެ.
