ބޭންކް އޮފް މޯލްޑިވްސް އިން ދެމެހެއްޓެނިވި ޕްރޮޖެކްޓްތަކަށް މާލީ އެހީތެރިކަން ފޯރުކޮށް ދިނުމާއި ޖަމިއްޔާތައް ބާރުވެރިކޮށް، މުޖުތަމައަށް އެހީވުމަށް ތައާރަފް ކޮށްފައިވާ ‘ބޭންކް ފަންޑް’ އަށް އެދި ހުށަހެޅުމެ ފުރުސަތު އިތުރުކޮށްފި އެވެ.
ބީއެމްއެލް އިން ހާމަކޮށްފައިވާ ގޮތުގައި 8 ސެޕްޓެމްބަރު ވާ އާދިއްތަ ދުވަހުގެ ހަވީރު 4:00 އާއި ހަމައަށް ފަންޑަށް އެދި ހުށަހެޅޭނެ ކަމަށެވެ.
ރާއްޖޭގައި ރަޖިސްޓްރީކޮށްގެން ހިންގާ ޖަމިއްޔާ ޖަމާއަތް އަދި ކްލަބްތަކަށް ޚާއްސަކޮށްގެން ހުޅުވާލާފައިވާ “ބޭންކް ފަންޑް” ގެ ދަށުން ތައުލީމާއި، ތިމާވެއްޓާއި، ކުޅިވަރާއި މުޖުތަމައަށް ފައިދާކުރާ ދާއިރާތަކުން 5 ޕްރޮޖެކްޓެއް ހޮވައި، ކޮންމެ ޕްރޮޖެކްޓެއް ހިންގުމަށް 200،000 ރުފިޔާގެ ހިލޭ އެހީ ދިނުމަށް ވަނީ ހަމަޖެހިފައެވެ.
އަށް އެދި ހުށަހަޅަން ޖެހޭ ފޯމާއި ޕްރޮޕޯސަލް ހުށަހަޅަން ޖެހޭނީ މި ލިންކްގައިވާ ބީއެމްއެލްގެ އީމެއިލް އަށެވެ.
ބޭންކް ފަންޑާ ގުޅޭ އިތުރު މައުލޫމާތު ބޭންކުގެ ވެބްސައިޓް އިން ލިބޭނެއެވެ.
