އެފްރިކާ ބައްރުގެ ސަރަހައްދުން ފެނި އެހެން ޤައުމުތަކަށް ފެތުރެމުން އަންނަ މަކުުނު ވިދުރި ނުވަތަ އެމްޕޮކްސްއަށް ފަރުވާދިނުމަށްޓަކައި ވާންޖެހޭ ތައްޔާރީ ތަކާއި ބައްޔަށް ތަހުލީލުކުރުމަށް ވާންޖެހޭ ތައްޔާރީތައް ވަމުން އަންނަކަމުގައި ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވެއްޖެއެވެ.
އެގޮތުން މި ބަލި ރާއްޖެއައުމުގެ ފުރުސަތު އޮތް މިންވަރު ދެނެގަންނަމުން އަންނަކަން ފާހަގަ ކުރައްވައި އެ އެޖެންސީން ނެރުނު ބަޔާނެއގަިއ ބުނެފައިވަނީ، ކުރިން އެފްރިކާގެ އެފްރިކާއިން މި ބަލި ފެނިފައި ވީނަމަވެސް މިހަރު މި ބަލީގެ ވޭރިއަންޓްތައް އަވަށްޓެރި ޤައުމުތަކުން ފެންނަން ފަށައިފައިވާކަމަށެވެ.
އެގޮތުން ބައިނަލްއަޤްވާމީ ސިއްހަތާއި ބެހޭ ޖަމިއްޔާއިން މިހާރު އާންމު ސިއްހަތަށް އޮތް ނުރައްކަލެއް ކަމުގައި މި މަހުގެ 14 ވަނަ ދުވަހު ކުއްލި ސިއްހަތުގެ ހާލަތު ވަނީ އިއުލާނުކޮށްފައެވެ.
2022 ވަނަ އަހަރުންގެ ފެށިގެން މި އަހަރުގެ މިހާތަނަށް 199 ޤައުމަކުން މި ބަލީގެ 9000 ށްވުރެ ގިނަ ކޭސްތައް ފެނިފައިވާއިރު މި ވަގުތު މި ބަލި ހަލުވިކަމާއެކު ފެތުރެމުންދަނީ ޑިމޮކްރެޓިން ރިޕަބްލިކް އޮފް ކޮންގޯ އާއި އެފްރިކާގެ ބައެއް ގައުމުތަކުގައިކަމަށް އެ އެޖެންސީން ނެރުނު ބަޔާނުގައި ވަނީ ބުނެފައެވެ.
އެޗްޕީއޭއިން ވިދާޅުވީ، ބަލި ފެތުރުން ކޮންޓްރޯލު ކުރުމަށާއި ބައްޔަށް ޓެސްޓުކުރުމާއި ފަރުވާދިނުމަށް ވާންޖެހޭ ތައްޔާރީތައް ދަނީ ވަމުން ކަމަށާއި އެ ބައްޔަށް ސިއްހީ ޚިދުމަތްތެރިން އަހުލުވެރިކުރުމާއި ސާވެއިލެންސް ހަރުދަނާ ކުރުމުގެ މަސައްކަތް ކުރަމުން އަންނަކަމުގައި އެ އެޖެންސީން ވަނީ ވިދާޅުވެފައެވެ.