ގދ ގައްދޫއިން މަސްތުވާތަކެއްޗާއެކު މީހަކު ހައްޔަރުކޮށްފިއެވެ.
ފުލުހުން ވިދާޅުވީ، ގދ ގައްދޫގައި މަސްތުވާތަކެތި ގެންގުޅޭކަމަށް ލިބުނު މައުލޫމާތަކާއި ގުޅިގެން އެރަށު ފުލުހުން އޯގަސްޓް 18 ވަނަ ދުވަހު ހިންގި އޮޕަރޭޝަނެއްގައި ދިވެހި ފިރިހެނަކު ހައްޔަރުކޮށްފައިވާކަމަށެވެ.
މި މައްސަލައިގައި ފުލުހުން ހައްޔަރުކޮށްފައިވަނީ، ގދ ގައްދޫ ފަހާގެ، އުމުރުން 38 އަހަރުގެ އަލީ ނަސީރެވެ.
އެގޮތުން އޭނާގެ އަތުން އަތުލައިގެ މަސްތުވާތަކެތި ކަމަށް ޝައްކު ކުރެވޭ ތަކެއްޗާއެކު، 96.45 ގްރާމްގެ ތަކެތި އަތުލައިގަނެފައިވާކަމަށް ފުލުހުން ވަނީ ވިދާޅުވެފައެވެ.
އަދި މި މައްސަލައާއި ގުޅިގެން އޭނާގެ ބަންދާއި މެދު ގޮތެއް ނިންމުމަށް ގައްދޫ މެޖިސްޓްރޭޓް ކޯޓަށް ހާޒިރުކުރުމުން އޭނާގެ ބަންދަށް ދުވަސް ޖަހައިފައިވާކަމަށް ފުލުހުން ވިދާޅުވިއެވެ.
އަދި މި މައްސަލަ ފުލުހުން އިތުރަށް ތަހުގީގު ކުރަމުން އަންނަ އަންނަކަމުގައި ފުލުހުން ވިދާޅުވިއެވެ.