ސައުދީ އަރަބިއްޔާގެ ވަލީއަހުދު އަދި ބޮޑު ވަޒީރު، މުހައްމަދު ބިން ސަލްމާން ބިން އަބްދުލްއަޒީޒަށް ރައީސުލްޖުމްހޫރިއްޔާ ޑރ މުހައްމަދު މުއިއްޒު ފޮނުއްވާ ޚާއްސަ ސިޓީފުޅެއް އެ ގައުމުގެ ހާރިޖީ ވަޒީރުގެ އަތްޕުޅަށް އަރުއްވައިފިއެވެ.
ސައުދީގެ ފޮރިން މިނިސްޓަރު ފައިސަލް ބިން ފަރްހާންގެ ދައުވަތަކަށް ފޮރިން މިނިސްޓަރު މޫސާ ޒަމީރު ސައުސީ އަށް ކުރައްވާ ދަތުރުފުޅުގެ ތެރެއިން މިއަދު ހެނދުނު ބޭއްވި ބައްދަލުވުމެއްގައި ސައުދީ އަރަބިއްޔާގެ ވަލީއަހުދު އަދި ބޮޑު ވަޒީރުއާއި ބައްދަލު ކުރައްވާ އިސްލާމްދީނުގެ މަތިވެރި އަސާސްތަކުގެ މައްޗަށް ބިނާވެފައިވާ ދެ ގައުމުގެ ގުޅުން އިތުރަށް ބަދަހިކުރުމަށް ވަނީ މަޝްވަރާކުރައްވާފައެވެ.
އިގްތިސާދީ ރޮނގުންނާއި ބައިނަލްއަގްވާމީ މަސްރަހުގައި ދެގައުމުގެ ގުޅުން އިތުރަށް ހަރުދަނާކުރުމާ ގުޅޭގޮތުން ދެ ވަޒީރުން މަޝްވަރާކުރައްވާފައިވާއިރު، ސައުދީން ރާއްޖެއަށް ދެމުން އަންނަ އެހީތަކަށް ވެސް މިނިސްޓަރު ޒަމީރު ވަނީ ޝުކުރު އަދާކޮށްފައެވެ.
މިއަދު ހެނދުނު ބޭއްވި ބައްދަލުވުމުގައި މިނިސްޓަރު ޒަމީރުގެ އަރިހުގައި އެވުޒާރާގެ އެމްބެސެޑާ އެޓް ލާޖް އަހްމަދު ނަސީރު، ޖޮއިންޓް ސެކްރެޓަރީ ބަދޫރާ ސައީދު، ޑިރެކްޓަރު ޖެނެރަލް އާއިޝަތު ފަރީނާ އަދި ސައުދީ އަރަބިއްޔާގައި ހުންނަ ދިވެހިރާއްޖޭގެ އެމްބަސީ ހިންގެވުމާ ވަގުތީ ގޮތުން ހަވާލުވެ ހުންނެވި އަހުމަދު ފަޒީލް ބައިވެރިވެޑައިގެންފައިވާއިރު، މިދަތުރުފުޅަށްފަހު، ދެ ގައުމުގެ ގުޅުން އިތުރަށް ބަދަހިވެގެންދާނޭކަމަށް އުންމީދުކުރައްވާ ކަމަށް މިނިސްޓަރު ވަނީ ވިދާޅުވެފައެވެ.
