ބުޅާ ހިފައި މަރައިގެން އޭގެ މަހުން ކާތަކެތި ތައްޔާރުކުރާ މައްސަލައިގައި ހޯދަމުން ދިޔަ ބިދޭސީ މީހާ ހައްޔަރުކޮށްފިއެވެ.
ބަންގްލަދޭޝްއަށް ނިސްބަތްވާ އަރްފާތް ހޮސެއިން ނަމަކަށް ކިޔާ 38 އަހަރުގެ މި މީހާ ހޯދުމަށް އިމިގްރޭޝަނުން އިއްޔެ އިއުލާނުކުރީ، އޭނާ ބުޅާ ހިފައިގެން އޭގެ މަހުން ކާތަކެތި ތައްޔާރުކުރާ ކަމަށް ބުނެވޭ ވީޑިއޯތަކެއް އިއްޔެ މީސް މީޑީޔާގައި ޢާންމުވާން ފެށުމާ ގުޅިގެންނެވެ.
އިމިގްރޭޝަން ކޮންޓްރޯލަރ މުހައްމަދު ޝަމްޢޫން ދާދި ދެންމެއަކު ކުރެއްވި ޕޯސްޓެއްގައި ވިދާޅުވީ ބުޅާ މަހުން ކާތަކެތި ތައްޔާރުކުރާ ކަމަށް ބެލެވޭ މީހާ މިހާރު ހޯދިފައިވާކަމަށެވެ.
އެގޮތުން މިހާރު އޭނާ ހައްޔަރުކުރެވިފައިވާ ކަމަށް ފުލުހުންވެސް ވަނީ ވިދާޅުވެފައެވެ.