އައިޖީއެމްއެޗުގެ މިސްކިތު ތެރޭގައި ބަރަހަނާވި މީހަކު ހައްޔަރުކޮށްފިއެވެ.
މި މައްސަލާގައި ހައްޔަރު ކޮށްފައިވަނީ އުމުރުން 30 އަހަރުގެ ދިވެހި ފިރިހެނެއްކަމަށް މައުލޫމާތު ލިބެއެވެ. އޭނާގެ ބަންދަށް ކްރިމިނަލް ކޯޓުން އިއްޔެ ވަނީ 15 ދުވަސް ޖަހައިފައެވެ.
އައިޖީއެމްއެޗުގެ މިސްކިތުގައި ތިބި އަންހެނުންތަކަކަށް އޭނާ ޖިންސީ ގުނަވަން ދައްކާފައިވާކަމަށް ފުލުހުން ކޯޓަށް ހުށަހެޅި މައުލޫމާތުތަކުން އެނގެއެވެ. އަދި އޭނާގެ މައްޗަށް ތުހުމަތު ކުރެވޭ މިންވަރަށް ފުލުހުން ހެކި ހުށަހަޅާފައިވާކަމަށް ކޯޓު އަމުރުގައިވެއެވެ. ނަމަވެސް ކޯޓުގައި އެ ކަމާ ގުޅޭގޮތުން ވާހަކަ ދެއްކުމަށް އޭނާ ވަނީ ދެކޮޅުހަދައިފައެވެ.
މި ފަދަ މައްސަލަތައް އޭނާގެ މައްޗަށް މީގެ ކުރިން ވެސް އުފުލާފައިވާކަމަށާއި އެ ފަދަ މައްސަލަތަކުގައި އޭނާ ހައްޔަރުކޮށްފައިވާކަމަށް ވެސް މައުލޫމާތު ލިބެއެވެ.
