މިފްކޯއިން މަސް ބަންދުކުރުމަށް ބޭނުންކުރަމުންދިޔަ ކ. ކަނޑުއޮތްގިރި އެމްއެންޑީއެފްއާ ހަވާލުކޮށްފިއެވެ.
އިއްޔެ ފިޝަރީޒް މިނިސްޓްރީން ބޭއްވި ނޫސްވެރިންގެ ބައްދަލުވުމެއްގައި ފިޝަރީޒް މިނިސްޓަރު އަހްމަދު ޝިޔާމު މި ކަން ހާމަކުރައްވާ ވިދާޅުވީ އެމްއެންޑީއެފްގެ ބޭނުމަށް ކަނޑުއޮތްގިރި އެމްއެންޑީއެފާ ހަވާލުކޮށްފައިވަނީ މި މަހުގެ 4 ވަނަ ދުވަހުކަމަށެވެ.
ކަނޑުއޮތްގިރިއަކީ ބޮޑަށް ކަންނެލި މަސްވެރިކަމަށް ޚާއްޞަކުރެވިގެން ހިންގި ރަށެއްކަމަށް ޝިޔާމު ވިދާޅުވިއެވެ. އަދި އެ ތަނުގެ ތަރައްޤީގެ ޕްލޭންތައް ވެސް ކުރިއަށް ރާވާފައި ހުރީ ވަރަށް ބޮޑަށް ކަންނެލި މަސްވެރިކަމުގައި ހުރި ގޮންޖެހުންތަކަށް ހައްލު ހޯދައިދޭންކަމަށް އެ ބޭފުޅާ ވިދާޅުވިއެވެ.
ކަނޑުއޮތްގިރީގައި ކުރިން މިފްކޯއިން ކުރަމުން އައި މަސައްކަތް ކުރުމަށް ހުޅުމާލެ ބަނދަރުން ޖާގައެއް ހޯދުމުގެ މަސައްކަތް ފިޝަރީޒް މިނިސްޓްރީން މިހާރު ގެންދަނީ ކުރަމުންނެވެ.
